曾任TVB總經理的陳志雲（Stephen）曾於2010年官司纏身，歷經7年後終如釋重負，重新出發。日前，陳志雲為電台節目《點算幸福》擔任嘉賓，期間除了重提7年官司事件之外，更自爆誤信朋友買孖展而慘蝕「棺材本」，導致「棺材本」只餘下一個晴天霹靂的數字，更直言要靠食鎮靜劑睇月結單。
陳志雲誤信朋友買孖展慘蝕「棺材本」
節目中，陳志雲首度自爆在兩、三年前曾慘蝕「棺材本」，更形容為「好艱難好艱難」的時期。向來不喜歡別人為自己投資的陳志雲，卻錯信朋友而誤墜投資深淵，對方竟然為陳志雲購買風險極高的孖展，陳志雲憶述稱：「嗰筆係我好大好大嘅錢，係我嘅棺材本，我要好穩健好穩健。」
▼▼點擊睇完整事件▼▼
陳志雲透露：「直到有晚，佢叫我入三百萬去戶口，意思係填倉。我好堅決講唔會再入，只係叫佢睇吓手頭上有咩可以賣嚟填倉，嗰時真係好煎熬，因為真係一筆我好大嘅錢，完全瞓唔到，要食鎮靜劑先可以睇銀行月結單，真係手都震。」最後，陳志雲發現自己的棺財本只餘下500萬：「一打開個信封嗰刻真係晴天霹靂，我最後都打咗個好長嘅WhatsApp畀嗰個朋友，我唔係話佢，但係我要表達自己嘅失望，含恨不可到落日，都冇得嬲咁多。」
陳志雲止蝕後學會理財
陳志雲笑指止蝕之後，內心卻感到強烈的平安：「因為我唔使再諗蝕幾多，我冇嘢可以蝕，可能嗰啲嘢本來唔屬於我呢，其實我都唔係冇咗，只係返返去原本咁樣啫。」另外，讓陳志雲感到不舒服的是，再有朋友需要金錢上的幫忙亦幫不了。
他表示學會一個道理：「好多時，我哋嗰吓都係睇到自己好慘，長遠去睇你所失其實係你所得嘅。同埋我學習到『理財』兩個字意義，財係一定要理，你唔理財，啲財就唔理你㗎啦。冇得怪㗎，都過咗啦，冇得如果㗎。」
重提7年官司感恩患難見真情
另外回想起當年面對官司，陳志雲表示將所有煩惱交予神，亦做好最壞的打算：「去聽判刑嗰陣，我特登着冇褲頭帶嘅褲、戴膠眼鏡，事前交低晒啲日常開支，我一直喺心理上準備好。」陳志雲還感恩當年有好多患難見真情的朋友，他說：「有個婆婆仲拎埋現金畀我，話幫我打官司，我梗係唔敢要啦，但係我覺得自己係被祝福嘅。」
睇埋：新何太開直播伸手入衫抹胸部香汗 何伯鏡頭前情不自禁係咁聞
何伯何太日前開直播與粉絲寶寶互動，熱情如火的何太於直播期間「大汗耷細汗」，不斷用紙巾抹汗，頸後、耳背、胸口、盡是香汗淋漓，一度令坐在旁邊的何伯看得目不轉睛。而何伯一樣愈feel愈熱，忍唔住都流晒大汗，見到嬌妻伸手入衫內抹拭胸口的香汗之後，何伯眼角喪瞟那張「香汗」紙巾，按捺不住在鏡頭前伸手接過何太的的抹汗紙巾，情不自禁聞一聞、煮一索，抹掉嘴巴的汗水，露出心滿意足的表情。
睇埋：張致恒老婆雯雯疑有輕生念頭 IG怒轟債主「食飯錢都俾你呃埋」
日前雯雯在社交平台限時動態發文自爆被呃錢，疑似炮轟「債主」以不光明手段討債，又呻冇錢開飯，又指自己已厭倦面臨冇屋住、冇飯開的生活，更崩潰表示有輕生想法「如果有人可以令我放心，放下小朋友，你估我唔想去搵肥妹（已故愛狗），我真係好掛住肥妹！」有網民問「點解唔拎綜援？有需要點解唔拎？」雯雯就回應：「個個都問，拎到拎咗。」最後雯雯都表示會盡力生活「我係乞丐，但如果要行落去就只有盡力」。
同場加映：【香港周圍遊】最新影片
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
