張致恒老婆雯雯疑有輕生念頭 IG怒轟債主「食飯錢都俾你呃埋」
前Boy'z成員張致恒（Steven）與老婆區燕雯（雯雯）奉子成婚，四年抱四，結婚5年因財務問題是非多多，雯雯更多次在社交平台公審老公張致恒遊手好閒，搵唔到錢，經常鬧離婚，被網民封為「離婚界KOL」繼早前張致恒發文表示自己地盤開工不足後，日前雯雯發文呻被呃錢，更直言有尋死念頭。
雯雯發文炮轟「債主」呻被呃錢
張致恒的太太雯雯近日在社交媒體上發文，疑似炮轟「債主」以不光明手段討債，並表示自己已被逼到絕境，甚至出現尋死的念頭，萬念俱灰的言論引起廣泛關注。究竟今次又咩事？
▼▼點擊放大睇今次又咩事▼▼
雯雯指被逼到埋牆 有尋死念頭
日前雯雯在社交平台限時動態發文自爆被呃錢，「最窮、最折墮，面臨冇屋住、冇飯開，生存唔到時，已經最乞丐，你要我哋還錢可以直接講，但唔係用啲咁嘅手段，當初你自願主動幫我一家無限感激，但你用咁嘅手段，一家嘅食飯錢都畀你呃埋！祝福你好好過！」疑似炮轟「債主」以不光明手段討債，又呻冇錢開飯。
雯雯指自己已厭倦面臨冇屋住、冇飯開的生活「唔係逼到埋牆，冇人會出嚟乞，5年，我真係好攰好厭！」更崩潰表示有輕生想法「如果有人可以令我放心，放下小朋友，你估我唔想去搵肥妹（已故愛狗），我真係好掛住肥妹！」有網民問「點解唔拎綜援？有需要點解唔拎？」雯雯就回應：「個個都問，拎到拎咗。」最後雯雯都表示會盡力生活「我係乞丐，但如果要行落去就只有盡力」
張致恒早前曾發文求救
早前張致恒考獲平安卡，終於起心肝到地盤返工，但後來又發文求救指自己開工不足「因為今個月開工不足，所以導致屋企收入唔夠，認真想問下有無人可以幫幫手。」似乎再度面臨經濟問題。但大多數網民都不買帳表示不相信，紛紛推測他開工不足的原因，「開唔足工，唔識返炒散？」、「點解開工不足，懶囉」、「唔見阿deep話開工不足」，有網民笑稱是「乞食經濟」，並表示「一日見到佢有玩ig，即係仲未有事」。
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
