爭鮮的壽司、刺身、小食、甜品又便又「抵食」，市民便便地就可以嘆返件三文魚、帶子和吞拿魚等。不過近日有網民發帖文大讚爭鮮另一款產品「良心價」，稱「平隔離7仔一半」，但是既不是壽司，亦不是甜品，而是爭鮮的礦泉水！網民表示$4就買到一支600ml的礦泉水非常抵買，但味道就未必人人都可以習慣，有網民表示礦泉水有一陣味「腥腥地」，「水喉水味」。
爭鮮$4礦泉水廣受歡迎
近日有網民在threads發文表示「有冇人明，每次去爭鮮都淨係會買呢樣」」，分享一款爭鮮的產品，既不是壽司，也不是甜品，而是爭鮮的礦泉水，$4就有600ml，產地更為台灣，非常抵飲！
點擊圖片放大
網民大讚良心價：每日經過都買
帖文發佈後引來一眾網民留言，有網民大讚「平隔離7仔一半😆」，「良心水」，「地鐵站想飲野一定搵爭鮮先」，「去銅鑼灣 希慎去times 想買水我都係去爭鮮 唔熟路無報紙檔同藥房時見到爭鮮=prob solved」，但味道就未必人人飲得慣，有網民表示「但有次飲佢地啲水好似腥腥地咁，唔知錯覺定點😵」，「我去到絕境先會買 個人覺得係有一個味 🙂」，「水喉水味 咁不如去體育館斟好過🫠」。
來源︰Threads@chujai.foodie
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
