TVB台慶劇《企業強人》近期劇情圍繞趙愷（陳豪飾）的前度、現職國際物流企業高層的丁寧（朱智賢飾），丁寧暗地在外圍「掃貨」、並企圖買得足夠股份後收購世代物流，引發新一輪危機。朱智賢飾演的丁寧，與宋翹（張曦雯飾）及趙愷昔日有著複雜的三角關係，丁寧這次出手將對趙愷及世代物流造成極大要脅，為了達到目的，丁寧之後更會在方芳（龔嘉欣飾）面前狂打趙愷毒針，二人的對壘場口張力十足。
企業強人｜朱智賢剪短頭髮
與張曦雯一樣同為「強人」系列鐵膽的朱智賢，這次按監製要求剪短頭髮做商界女強人，結果全新短髮Look大獲好評，網民讚朱智賢短髮造型顏值高之餘亦霸氣十足：「真的很漂亮，短髮Look鋼練又有氣質，妝容看上去也很舒服」、「超有氣質」、「很適合演女強人」、「超有台型」。
談到短髮造型，朱智賢透露已超過20年沒試過「短到呢個程度」：「同監製合作過好多次，所以佢叫我剪咩髮型我都會配合。不過今次真係入行以嚟最短嘅一次，初初剪完都真係有啲唔習慣。短到呢個程度，我相信有20幾年冇試過。」
企業強人｜朱智賢長耳環造型有原因
朱智賢於劇中不時以女強人套裝上陣的，一雙長腿亦同樣搶焦，朱智賢坦言劇中每個造型都是經過精心打造及設計：「今次真係有用心思去揀戲服，每次都會襯過晒先至着出嚟，例如盡量每套衫都會襯番唔同嘅耳環同頸鏈。我今次都有參與俾咗少少意見，以前嘅女強人會着褲多啲，但今次丁寧就着裙多啲。（留意到特別多長耳環，有冇特別意思？）想感覺霸氣得嚟又唔會太過成熟，又有啲Fashion。」
企業強人｜朱智賢「女傻人」VS女強人
朱智賢又笑指自己私下是「女傻人」，坦言每次飾演女強人都覺得難度很高：「認識我嘅人都知其實我係一個傻大姐，完全同女強人扯唔上關係，但係偏偏監製就好鍾意搵我做女強人，因為佢話我行出嚟有個氣勢。我今次都有參考吓一啲外國嘅電影，學吓講嘢嘅語速、肢體語言，同埋步伐。」為了演活自信霸氣女強人，朱智賢直指整套劇除了冷笑，基本上沒有開心地笑過，並笑言：「拍到塊面都僵硬咗。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
