TVB旅遊節目《玩轉澳門更多Fun》最後一集同樣有「後生仔」班底的馮盈盈（FYY）、陸浩明（6號）、游嘉欣及孔德賢（Danny）擔任主持，齊齊玩轉澳門。一向語不驚人死不休的游嘉欣，在節目中爆出「環保式撩牙大法」，嚇到全場幾乎嘔黃膽水...
▼▼點擊放大完整事件過程▼▼
四位「後生仔」第一站去到媽閣廟附近的Café品嚐特色曲奇，當中的原味年輪酥夾香滑豆腐雪糕最令人驚艷，兩塊年輪酥中間夾着厚厚的雪糕，向來搞笑的6號揚言要用盡狂野的食法吃這道美食：「我要一啖咬落去！」但他擘盡個口都咬不到整個餅，場面趣怪。之後四人去到路環碼頭的一間食店大歎白蘭地咖啡、豬扒包和辣魚包。
期間大家閒談感情狀況，講到游游入行多年仍保持「A0」之身，游游突然有料爆說：「我揀極都唔好！」即時引起眾人嘩然，Danny說：「即係你試過先知唔好啦？」FYY唔執輸追問：「有咩唔好呀？講嚟聽聽！」另邊廂，與女友拍拖多年的6號被追問幾時結婚，腦筋急轉的6號靠一招拉開話題，反問大家會畀多少錢人情，游游竟然說要視乎宴會的餐單，激到反白眼的6號說：「你完全錯晒，唔應該係睇Menu係咩，而應該係睇你同佢嘅交情畀幾多，游游咁多年思想冇變過！」
文青之旅停不了，FYY和游游去到一間森林風Café食好西兼打卡，該店就連「萬人迷」碧咸都幫襯過，FYY和游游唔執輸點了碧咸同款果茶和曲奇，打卡打到手軟！ 兩位男士6號和Danny去到氹仔舊城區走訪一間古董店，店內擺滿不少古董印刷物品，包括世上最早的「華英字典」，它是1815年-1823年期間的產物，相當珍貴。之後「後生仔」出發到十月初五街的茶飲店，出名是魔音的盈盈一時興起獻唱《祝君好》，聽到令人耳朵流產，6號更投訴：「盈盈，仲想做朋友嘅話就唔好唱歌啦！」
最後一站，製作組「賣大包」請四人大歎土生菜，咖哩秋葵蝦、辣茄醬釀苦瓜船、小教堂焗肉圍等美食，色香味俱全，大家食到舔舔脷！
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
