近日有網民在threads上自稱在香港連鎖大型公司做sales，最近辭了職，於是決定分享多年接待明星客的經驗，爆料公開做零售業時，對明星客人的印象，並以代號曝光明星私下真面目，惹來大批網民瘋狂猜測。當中不少代號都讓網民爆笑，例如：大台支付寶花旦、奶奶你豬緊我呀及鏡團上弦Mr.E等，指一睇就明，大讚樓主改得好。
▼▼點擊睇代號爆料8位明星客人印象▼▼
網民爆料明星客印象惹瘋狂猜測
許多網民都在留言區猜測代號明星的真身，指貼文很有以前八卦雜誌的味道：「呢啲代號即刻諗起忽然一周八姨太😂」、「介紹得好好，全部一睇就知邊個😂😂」、「提示好明顯😬😬😬」。亦有網民表示唔夠侯，要求樓主出下集：「通常都係彈，你出文讚都好好睇，仲有冇？」、「期待part 3 講吓Kam客」、「想睇彈🥹🥹」
網民爆料｜1. 大台支付寶花旦
樓主形容「大台支付寶花旦」真人好靚好斯文，淡妝戴口罩都好靚，好瘦。佢買完就即刻走，但有人想同佢合照都停低影埋先，好好笑容。由於支付寶的英文是英文名Alipay，李佳芯英文名是Ali，網民都認為這個代號最明顯。
網民爆料｜2. 大台超速搖搖
樓主憶述「大台超速搖搖」當時佢嚟搵嗰樣product冇貨，我老細主動提出即刻安排搵人去第2間舖攞過嚟比佢，大概等左30分鐘，佢好客氣咁多謝我地講唔該。
網民爆料｜3. 鏡團上弦Mr.E
樓主最後指「鏡團上弦Mr.E」當時鏡仲未係超爆紅既stage, 真人靚仔，好有星味，有好多assistant,有距離感，整體嚟講nice , easy going, 有同事同佢合照都no problem。有網民驚訝「Mirror未爆紅時，Edan已經有好多assistant, 又真係幾估唔到」
網民爆料｜4. 大隻紋身rapper
樓主指「大隻紋身rapper」真人好有型，有人同佢合照都有求必應，好有耐性咁同人逐個影。有網民猜測是男歌手Tyson Yoshi，更戲稱：「講大波男rapper我會即刻估到😛」
網民爆料｜5. 奶奶你豬緊我呀
樓主亦稱讚「奶奶你豬緊我呀」真人超高，嗰樣勁保鮮，不老咁，勁靚，低調但友善。不少網民都認為這個代號最搞笑，更形容「句「奶奶你豬緊我呀」有聲嘅😂」、「「奶奶你豬緊我」呢個名一睇就明🤣」
網民爆料｜6. 大台咖啡小生
樓主大讚「大台咖啡小生」真人超高，好友善無架子，同佢吹左2句水，仲話可以請我地飲咖啡，佢笑聲好搞笑🤣。亦有網民表示認同，指「咖啡小生以前做野有遇過..好有禮貌.. 大台罕有」
網民爆料｜7. 激突男歌手
樓主又指「激突男歌手」佢街坊look落嚟，當時佢係金髮，真人型仔，講野直接爽快。不過「激突男歌手」的真身就有點爭議，有網民認為是陳柏宇，因為他多年前曾於公開場合獻唱《你瞞我瞞》時出現生理反應，但亦有網民認為是Dear Jane主音Tim，因為Tim曾穿皮褲盡顯雄風，但樓主就未有再解答。
網民爆料｜8. 錯誤團跳舞最勁既成員
樓主表示「錯誤團跳舞最勁既成員」真人好隨和，合照係無任歡迎，同事都佢R水吹都好笑口噬噬咁既款回應 。
來源：Threads
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
