TVB台慶劇《巾幗梟雄之懸崖》（簡稱《巾幗4》），前晚（22日）播出的第二集《巾幗4》有兩大焦點場口，第一個重點劇情，是在上海叱吒風雲的七爺（胡定欣飾）因親哥哥新爺（海俊傑飾）興風作浪陷入財困擠提危機，七爺無計可施下以死要脅柴十七（黎耀祥飾）幫忙，最終柴十七以三大絕招成功協助七爺渡過重大難關，二人自此惺惺相惜，並立誓「狼狽為奸，贏盡上海灘」！
巾幗梟雄之懸崖｜招牌式勵志金句
永業銀行危機場口是典型大場面代表作，動用了近百臨時演員及主要演員，更有開槍及大灑金錢的刺激及豪邁畫面，柴十七以「兄妹同心，其利斷金」、「光著腳的女人，不怕穿尖頭曼皮鞋的男人」及「雀不飛」三大絕招成功協助七爺渡過重大難關。除了有招牌式勵志金句：「本來有路嘅咩？路係人行出嚟架嘛」，還有猶如動物百科的成語動畫廊式教學，包括：「狼狽為奸，狼前腳長、後腳短，狽就前腳短、後腳長，所以兩個要夾計搵食」、「你當自己係一隻死咗嘅豬，死豬不怕開水燙」，又以「飛不起的雀仔」及「雞籠裏的雞」形容一眾上海商業鉅子、遭新爺玩弄至死到臨頭也不自知的境況！
巾幗梟雄之懸崖｜羅天宇槍戰連場
另一焦點場口，是劇集尾段的大型槍戰動作場口，先是茶樓門外一輪大龍鳳槍戰，再來是茶樓內的埋身肉搏，更由地下沿著樓梯一直打到上二樓，涉及演員近百人。羅天宇在相關場口中施展渾身解數，除了擒高趴低兼不斷翻跟斗，一招跪地跣住掹雙槍、再緊接轉身開槍甫士相當煞食；據知該幕長達3分鐘的槍戰打鬥戲，前後足足拍了兩日，製作認真。
巾幗梟雄之懸崖｜羅天宇圓夢拍攝動作戲
對於入行16年終圓夢拍攝動作戲，羅天宇自然不敢怠慢，事前積極跑步及踩單車練氣：「我一有時間就會租架單車周圍踩吓，可能開工前來回踩一個半鐘頭單車去買杯咖啡，所以拍時體力係ok嘅。」天宇續指由於初頭未能掌握打鬥戲技巧，故此曾試過一場戲NG 30次：「有啲take可能拍咗20、30次都未必做到個感覺，感恩今次學到好多嘢。」
巾幗梟雄之懸崖｜「劉穎鏇激將法」練成跪地開槍
羅天宇又謂每次完成動作場口都很有成功感，並感激對手祥哥及蕭正楠很正面和有鼓勵性：「有時就算嗰take ok咗，我哋會話做多個更加好嘅，希望帶到刺激感畀觀眾。」天宇更笑言昨晚的「跪地甫」，全靠導演以「劉穎鏇激將法」令他苦練成功：「跣腳嗰吓好搞笑，導演講咗句：『劉穎鏇都跣到，你唔係唔得呀？』跟住我就因為呢句說話激發咗小宇宙係咁練，覺得一定要做好呢個動作，冇理由輸畀劉穎鏇架，好彩出嚟效果大家話幾好。」
巾幗梟雄之懸崖｜陳曉華自爆最愛追住羅天宇
羅天宇在劇中與陳曉華飾演分隔異地後再度重逢的青梅竹馬戀人，故在劇中有不少深情對望、但又千言萬語的場口。雖然二人在鏡頭前濃情蜜意，但其實私下二人相處猶如歡喜冤家，天宇更是曉華明目張膽的欺負對象，陳曉華笑言：「我萌生咗好想欺負佢嘅念頭，成日都想玩吓佢咁，因為佢好搞笑。之前佢買咗件外套係啡色嘅，我成日笑佢著呢件衫好大個，咁佢每次都會跑走，我就一路追住佢嚟笑，到依家都未摵甩呢個習慣。」
巾幗梟雄之懸崖｜童年版羅天宇有七分似本尊
值得一提的是，飾演年青版羅天宇的內地演員張洛齊，驟眼看與羅天宇有七分相像，尤其憨直的神態更是神倒模；而飾演曉華童年版的賀楚清，亦獲讚樣子有秀氣。據知為了尋找二人童年版，劇組透過內地經理人公司作出了多輪篩選，最後由來自內地不同地方的眾多應徵者中精選出數十人後，再由劇組作最後甄選，選角過程絕對嚴謹。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
