同樣食物卻要加錢?近日有網民在社交平台上發洩不滿，稱自己在黃大仙一間茶餐廳吃早餐時，要求將第一份跟餐奄列轉太陽蛋，第二份跟餐雙蛋就轉為奄列，在收到收據時才驚覺這樣交換要加$5，質疑餐廳「呃錢」，帖文引來大批網民討論，網民認為是樓主沒有問清楚和留意餐牌，並教樓主1招解決問題，即睇下文了解！
相同食物卻要加$5 樓主質疑被「呃錢」
近日有網民於Facebook香港茶餐廳及美食關注組發帖表示不滿，指自己於黃大仙一間茶餐廳吃早餐時，要求將第一份跟餐奄列轉太陽蛋，另一份跟餐雙蛋就轉為奄列，卻因落單方式不同而要額外加$5，對此樓主嬲爆懷疑被騙，直言「為左呃幾蚊，而影響商譽，值得咩！」。
▼ 帖文 ▼
點擊圖片放大
從樓主上傳的收據可見，收據中「（餐）煎雙蛋是日餐包（轉奄列$5）」，即煎蛋轉奄列要加$5，「（餐）火腿是日餐包（太陽旦）$0」，即奄列轉太陽蛋不用加錢。另有外賣盒$2及凍飲$3等收費，2份早餐總共$92。
▼ 收據 ▼
點擊圖片放大
網民質疑樓主無問清楚 反教樓主1招搞掂
帖子引來一批網民熱烈討論，網民認為樓主「自己唔查清楚，唔好怨」、表示「其實侍應只係按照顧客要求落單啫～ 唯一疏忽係冇提樓主咁改要+$5。」、「人地餐牌寫明，你自已落單唔留意姐」和「餐廳跟返每個餐黎落單冇錯」，同時教樓主下次再遇同樣問題其實只要互相交換即可。另外亦有網民認為是「打錯單」指「即係其實都係同一樣嘢，打錯單，收多咗5蚊」、「應該寫單哪個呀姐錯，寫單錯，自然電腦單錯」和「打單將奄列轉咗太陽蛋，太陽蛋又轉咗做奄列，變相收多咗5蚊」。
圖片來源︰HKET圖片庫
來源︰Facebook@香港茶餐廳及美食關注組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
↓《社群狂歡大激賞》↓
↓送香港迪士尼樂園1日標準門票60張！↓
