TVB台慶劇《巾幗梟雄之懸崖》（簡稱《巾幗4》），昨晚（29日）有康華以民初旗袍Look驚喜現身，出場時先以一雙修長美腿入鏡，甚有氣派。52歲的康華出名保養得宜，今次為角色梳了一頭古典波浪頭，先後以兩大貴氣造型亮相，眉頭眼額甚是霸氣之餘還夾雜著別具女人味的嫵媚，獲網民再度認證是最強美魔女。
康華是圈中隱形富婆
康華劇中角色做生意雖然未夠精明，但現實中的她卻盛傳是圈中隱形小富婆，除早前被指斥資八位數買入一個五房單位外，2012年又傳過她當時已買入兩個荃灣單位打通自住，保守估計現時手揸4個物業！康華受訪時坦言很喜歡「大紅姐」這個角色，除了因為角色性格極有義氣，亦因為與真實的自己有共通點，並笑言可能是監製嘟嘟巧妙安排：「呢個角色都好接近平時嘅我，可能嘟嘟知道我鍾意投資物業。」
康華進修投資課程
康華坦言疫情後對投資興趣更濃，閒時更有進修投資課程，並謙稱自己依然是初哥：「我都仲係學習緊，唔係叻架。唔使開工時我都會進修吓投資課程，除咗香港，都會投入（資）吓其他地方。當然拍戲係我first priority，始終我都係好鍾意做戲。」
康華大讚團隊專業
康華又大讚《巾幗4》梳化團隊相當專業，除了每位演員的造型都很出色，所有細緻位也做得很好：「呢個角色set頭需要好長時間，要梳成個半鐘。我記得第一次造型做咗六個鐘頭，試咗好多次，嘟嘟每個細節位都好認真，連手指甲都揀咗好多次先至襯到晒啲衫，我覺得公司拍嘢真係愈嚟愈認真，呢種認真精神令到演員更有士氣。」康華又笑言著旗袍是「大紅姐」一大挑戰，為了效果，故開拍前一個月已著力減磅瘦身，認真專業。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
