TVB台慶劇《黑色月光》開播後，話題主力圍繞在兩大女主角楊茜堯及林夏薇身上，除了數位主演，《黑色月光》的年青版演出亦贏盡焦點，當中飾演余滿月（楊茜堯飾）年青版的「狂野港姐」廖慧儀（Jessica），演出更相當亮麗，不少網民都驚訝廖慧儀首度拍劇演繹能如此自然。而廖慧儀受訪時更大爆余滿月三姊妹Casting競爭激烈。
廖慧儀揭Casting競爭激烈
首次拍劇的廖慧儀，除演技令網民眼前一亮，網民亦讚她劇中造型夠晒青春活力兼吸引，雖然被指外表雖然與楊茜堯不太相像，但勝在做出了一樣的神情及感覺，獲大讚有演戲天份。廖慧儀受訪時謙稱自己由於零經驗，故當初試鏡只是抱著陪跑心態，並直指Moon姐年輕版競爭激烈...
▼▼點擊即睇廖慧儀爆Casting內幕▼▼
廖慧儀透露：「PA約我Casting時，原本我喺台灣拍緊節目，同埋當時我已經知道全公司好多女Artiste cast緊呢三姊妹嘅角色。好彩當時我喺台灣已差不多拍完嘢，我就嘗試同製作組配合同即刻改機票返香港。因為我冇拍過劇，好想爭取呢次機會，好彩最後佢等埋我。Casting前我準備咗一個星期，都有啲緊張，真係冇諗過會做到楊茜堯年輕版，當初係純粹想攞吓經驗。」
廖慧儀處女拍劇私下做足功課
為了準備角色，廖慧儀私下做了不少準備及功課：「收到劇本見到有超怡、林俊其，我就約晒佢哋返公司傾吓可以點做，同埋係咁練啲同場嘅戲，大家都問咗好多問題。另外我仲上咗個one on one戲劇班，導師逐句對白同我對之餘，仲教我寫日記，例如探爸爸監嘅感受，令我更易代入。」
廖慧儀感激佳導親自幫忙調節細節位
廖慧儀又感激劇組由副導演到總監製佳導都全程傍實、悉心指導，並謂佳導就連細節位都幫她想好：「被強姦完喺醫院落口供場戲，佳導教我要用張被包住自己，佢好detailed嘅位都會教我。」又謂導演組為了一個眼神，情願不收工重拍做到最好效果，台前幕後都夠晒認真專業。
廖慧儀被強姦戲含淚掙扎畫面衝擊
第一集其中一幕的強姦場口落在「十八年前」廖慧儀與區明妙兩姊妹強暴的戲份，兩人分別被迷暈後躺在床上，在神志不清醒下被強姦，一度含淚掙扎，場面衝擊眼球。之後，廖慧儀與區明妙被迷姦後更被拋落山邊，經歷慘絕人寰。
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
