香港上空疑似出現罕見火流星！有網民在社交平台分享自己在大學宿舍錄下火流星劃過一刻，全程僅幾秒，相當難得，片段中亦傳來一眾目擊者的驚嘆聲。有網民指「火流星唔似普通嗰啲流星有固定嘅輻射點，佢鍾意嘅話，出現喺日頭都冇問題，只有咁啱睇到同睇唔到嘅分別，可遇不可求。」
網民分享香港上空目睹疑似火流星
有網民昨日（10月3日）在Threads發文，分享自己於10月2日凌晨於大學宿舍拍攝到火流星劃過上空一刻，網民形容「突然個天閃咗一下，係一粒勁大勁光嘅火流星！成世人第一次見，仲以為係邊度爆炸。」比目睹火流星更珍貴更幸運的是，網民剛好正在錄影拍下這一幕，實在機會難得，直言「去買翻張六合彩先。」
網民分享的短片攝於前日凌晨約2時半，在夜空中突然出現流星，該顆流星似自燃爆炸一樣，頃刻發出強烈的白光。目擊者當場發出「嘩」、「What the Fxxk」、「火流星啊」的驚嘆聲。網民指當時在香港中文大學宿舍露台與朋友傾談消遣，「發現天空勁靚就攞咗相機影星星」，後來陸續見到幾顆細流星，「係完全冇expect過可以喺hall嘅露台睇到流星。」
富觀星經驗網民：可遇不可求
帖文引來大批網友讚好及討論，有留言表示「我喺香港睇咗差唔多10年星，見到火流星嘅次數，一隻手數得晒，因為佢唔似普通嗰啲流星有固定嘅輻射點，佢鍾意嘅話，出現喺日頭都冇問題，只有咁啱睇到同睇唔到嘅分別，可遇不可求！」亦有幾位網友指自己在當晚亦目睹火流星，有人形容流星強光「照到成個地下光晒。」有網民則風趣回應「你影到既係我架UFO, plz del」由於現象罕見，不少網友強烈建議樓主要買六合彩。
火流星是甚麼？
根據國立清華大學對火流星的介紹，文章形容火流星屬天空中最令人驚艷的天文現象頭五名。根據國際流星組織火流星資料中心（IMO FIDAC）的資料，所有經過「天頂修正」（corrected for zenith position）後亮度比負三等亮（星等越小表示越亮）的流星都被定義為火流星。
大部分觀測到的流星都是黯淡的，其中只有一小部份大小在毫米以上的流星足以到達0等以上的亮度。而大概在1200科被觀測到的流星中，只有一顆光度大於-5等 ，而在12000顆中只有一顆能大於-8等。像這種明亮的流星，我們稱他為「火流星」（Fireballs）。不過實際上，一般來說，光度大於-2～-6等的流星就可以稱為火流星了。
點擊圖片放大
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
