最近有連登網民發文抒發感受，透過從觀察生活細節，感嘆「港人眼界窄」並熱愛批判。網民以5件日常事作為例子，認為大部分香港人對於存在「差異」零容忍，多數人只接受主流價值觀，因而亦有不少人認為「唔去旅行」、「同自己唔同」則等於不正常，隨即引起討論。
5大細節反映港人眼界窄？網民：對差異零容忍
近日有一名網民透過連登討論區發文，以「覺唔覺得香港人有時眼界都幾窄」為題，分享個人對普遍香港人價值觀的見解，並列出多件日常生活例子，反映不少港人尤其愛批判別人、對與自己有差異的人「零容忍」等的特質，批評「根本就冇人規定到底乜嘢生活方式先啱」。即睇樓主及網民點講？
網民觀察日常生活探討港人價值觀：抗拒「同自己唔同」
▼例子1：39歲港人只讀書不工作▼
▼例子2：強調自己幾正常▼
▼例子3：港男分享識女仔過程▼
▼例子4：低慾望生活的年輕人▼
▼例子5：唔去旅行有問題▼
樓主：根本無人規定乜嘢生活方式先啱
樓主認為：「其實只要將眼界開放少少，就會發現呢個世界一樣米養百樣人，根本就冇人規定到底乜嘢生活方式先啱」，又指他有時會觀察到自身出現上述問題，「既想顯得特別，唔想人哋覺得自己平庸，但又好怕自己離開咗『正常』嘅軌道」。帖文發出後獲得逾3500個讚好，及逾百負評，引起不少熱烈討論。
▼原帖▼
網民：話知人點生活 VS 唔關香唔香港人事
有網民直言：「個世界係咁，唔係行大家個條路，又唔係賺到錢，或者有咩成就，係接受唔到」、「只要佢冇傷害人，你話知人做咩點生活」、「香港人習慣城市生活，唔了解世界好多生活方式」、「我覺得係普遍香港人嘅價值觀都太功利，只要你做嘅嘢唔係利己，咁就違反佢哋嘅價值觀」。
不過都有網民反駁樓主：「講事實都唔畀，忠言逆耳」、「呢個唔關香唔香港人事啦，人本性就係唔鍾意同自己唔同嘅人，覺得自己個套先係啱」。大家覺得呢？
▼網民留言▼
資料及圖片來源：連登討論區、TVB《愛．回家之開心速遞》劇照
港人慘呻行業苦況 飲食零售業艱難？
最近有港人透過連登討論區發帖，以「一齊入嚟講下各行各業市況有幾差」為題，開啟對香港市況的探討，引來網民紛紛訴說個人從事的行業狀況，似乎陷入「水深火熱」之中，到底香港市況是否好差？即留意各行各業的網民分享現況，當中涵蓋貿易業、飲食業、零售業、工程業、IT業、地盤業、法律服務業等！
香港7月至9月失業率維持3% 近12萬人無工開
香港政府統計處早前（18日）公布，7月至9月經季節性調整的失業率為3%，與6月至8月的數字相同，亦符合市場預期。就業不足率在該兩段期間亦保持不變，維持於1.2%的水平。7月至9月為總就業人數371萬人，較6月至8月的370.85萬人增加1,700人，總勞動人口大致維持在383萬人。期內，不經季節性調整的失業人數為11.99萬人，較6月至8月的12.23萬人減少約2,400人。就業不足率維持1.2%，人數減少1,500人至4.6萬人。
▼貿易業▼
失業率維持3%，但不少打工仔仍大感憂慮。樓主在討論區上表示，自己目前正在做貿易行業（Trading），指現時「零買賣咗幾個月」。
▼飲食業▼
至於本港最多人關注的飲食行業，近月持續有不少品牌食肆、小店均宣告結業，現時仍有不少店舖步步為艱。有網民更分享餐廳的經營困境，以及有從業員多次面臨裁員。
延伸閱讀：
香港踏入2024年下半年，繼續看見不少店舖相繼結業，無論屹立多年的百年老店、過江龍店舖、連鎖分店抑或是戲院，全部都無一倖免。今次一文整理大部分下半年結業的店舖，究竟又有幾多間曾是你的回憶呢？
▼零售業▼
▼工程業▼
▼IT業▼
▼法律服務業▼
▼地盤工程業▼
（上述各行業內容主要截取部分網民留言分享，僅作參考，未能百分百反映市場整體實況。）
網民掀兩極討論：唔太覺真係差 VS 好多人食老底
針對香港市況，網民亦有其他看法，有人認為未有想像中差：「其實出到街，覺得都係咁，唔太覺真係差」、「日日話經濟差，但都見人人有工番，身邊冇識人話比人炒」、「間唔中都有新聞講香港人喺日本消費破紀錄，失業都有咁多錢去旅行」、「我身邊都未聽過，不過都冇人轉工，個個都仲係返緊同一份工」。
不過，上述言論就惹來部分網民反駁指：「未埋數啫，過埋財政年度計下蝕到阿媽咁就會大規模炒人」、「因為未差到大規模公司倒閉結業，只不過有工番唔代表賺得多，好多人食老底」、「吉鋪明顯多咗，開多咗賣散貨嘅場，好難咁都唔叫差，係未去到日日有人跳嘅地步only」。
資料及圖片來源：連登討論區、政府統計處
香港兩餸飯熱潮盛行 遭內地網民揶揄「好悲哀」
最近有港人透過連登討論區分發帖，以「大陸人都覺得香港盛行兩餸飯係好悲哀」為題，分享近期有內地網民拍片介紹香港兩餸飯之餘，更同步以「15分鐘深入剖析香港兩餸飯熱潮」作主題，以探究背後的社會與經濟本質。
翻查上述資料，該影片於上月初在抖音、Bilibili、Youtube等社交平台上發佈，是由一位名為「老李講數據」的內地影片創作者，所製作的頻道影片，內容更以廣東話作敘述講解。據其個人簡介資料，「老李」主要擅長宏觀或微觀經濟分析，並聲稱喜歡探索各種現象，今次該影片就主要探索香港的「兩餸飯流行」現象。目前其抖音平台擁有9.9萬名粉絲追蹤。
香港兩餸飯現象：3大方面剖析
影片分別從「熱潮的由來」、「社會本質」及「經濟本質」三方面去探討香港兩餸飯盛行的現象。
▼熱潮的由來：你唔食反而覺得你唔夠潮▼
▼社會本質：性價比較高▼
▼經濟本質：利潤最大化原則▼
內地網民留言：那麼寒酸的事情拿出來自豪
影片內容在網上引起討論，同時有不少內地網民留言表達觀點：「飯盒而己，為甚麼成為潮流？不是一種悲哀嗎？」、「我2010年在廣州都一直吃盒飯啦，從10元食到而家18元」、「那麼寒酸的事情拿出來自豪」。
▼內地網民留言▼
港人意見兩極：代表愈嚟愈衰 VS 百貨應百客
至於連登樓主表示，香港兩餸飯連內地人都「睇唔起」，認為「兩餸飯越盛行，即係香港呢個地方越衰呀，有啲人仲覺得兩餸飯反映到香港人識變求變應變嘅精神」。
不過都有港人不大認同：「其實普通飯盒就只係值咁多，唔通去茶記5、60蚊買個單餸飯盒就唔寒酸咩」、「平又X寒酸，貴又X人賣得貴，明明呢啲就平民恩物嚟，百貨應百客啦呢啲」、「其實兩餸飯幾好食」；有人則認為：「應該係拍片個條友講到兩餸飯係神枱野，兩邊都冇錯」。大家對於兩餸飯又有甚麼看法呢？
連登仔發文斥兩餸飯搞垮本地經濟
早前曾有連登網民在討論區發文，以「兩餸飯店埋葬全港老闆，害死香港」為題，分享自己對兩餸飯的見解感受。文章開首就指「兩餸飯摧毀咗好多野」、「兩餸飯消滅咗好多飲食業嘅中間服務過程同人員」，將本港餐飲業生意慘淡原因，歸咎於兩餸飯的發展。
他認為，連帶政府推行的「香港夜繽紛」活動，都因為兩餸飯而受影響，「兩餸飯將成個夜繽紛都拆散咗，市民都唔駛出街食晚飯，點樣夜繽紛」，又指「唔同檔次，所有類型嘅餐飲業都俾（畀）兩餸飯衝擊」。
他又直言，「兩餸飯店擴散，成個社會只會越嚟越窮，兩餸飯會蠶蝕晒成個香港」，認為「雖然兩餸飯來係經濟差呢係（個）因而產生出嚟嘅結果，但兩餸飯亦會變成新既因，造成經濟更差死多兩錢既果」。
▼原帖▼
帖文一出引來極大迴響，並收獲逾2000多個負評，內容更遭各大社交平台廣傳，引來大批網民抨擊反駁。有網民批評樓主「本末倒置」，直言香港早於好多年前已經有兩餸飯，不認同兩餸飯是搞垮經濟的原因，「根本係人愈嚟愈窮，兩餸飯先愈做愈多」；都有人覺得「餐廳食物貴唔緊要，難食先係主要問題」、「有錢邊個唔想餐餐魚翅撈飯」？
▼網民留言▼
資料及圖片來源：Facebook@香港茶餐廳及美食關注組、連登討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
