網上近日瘋傳一名男子乘坐小巴時的影片，顯示其攜同一盒疑似爆谷的零食上車進食，期間被司機多次勸阻「唔好食嘢」，惟男子屢勸不聽反駁斥「我就係要食」、「邊度有條例寫明」，司機其後多次提醒車上有攝錄機，在忍無可忍下情況下終停駛車輛，及後有乘客開聲斥責男子力撐司機，最後結局神翻轉？
小巴男車上進食屢勸不聽 司機忍無可忍停駛
最近網上多個群組流傳一段影片，顯示為周一（11日）傍晚6時半左右，一名男乘客攜同一盒零食乘坐小巴，整個車程均不停進食，引來司機不滿，期間雙方互相爭執！影片開首就見到，當時多名乘客正陸續上車，而該名男子則坐在司機後排最出位置正在進食，司機向其表示：「唔該你落返車呀」、「你要食嘢就落返車呀」，男子雙手隨即封上該盒零食，面帶不爽望向司機，惟開車後男子似乎仍相當氣憤，兩人遂開始言語衝突。
▼影片截圖▼
▼事件經過▼
司機忍無可忍立即停駛：唔該你唔好再係到食嘢
司機聽罷後，行駛不久在路中心停車，十分勞氣地再向該男子表示「唔該你唔好再係到食嘢呀」，惟對方屢勸不聽，更語氣狂妄反寸司機。
▼影片截圖▼
▼事件經過▼
及後有乘客看不下去，隨即在車上大聲讀出相關法例。司機續提醒男子「鏡頭影住你架」。男子態度隨即「360度」轉呔，向司機表示：「你講得啱，唔好意思大佬」，並將零食扔進車上垃圾桶，司機「唔收貨」強調應自行帶來個人垃圾，男子續表態耍冧：「我依家同你say咗sorry，咁你點呀依家想？」更向後方乘客大聲指：「唔好意思咁多位，我向大家say句sorry呀」，「我依家唔扔垃圾，唔食，拎係手，開得車未？」司機便重新開車。
網民：小學雞 VS 肯低頭都係好事
影片引來大批網民熱議，有網民批評男子「幼稚」、「人地一開始已經客氣叫你唔好食，幾十歲」、「司機一開始已經同佢講左，佢都仲係咁，仲唔忿氣特登玩嘢，唔只冇公德心咁簡單」；不過都有人認為「最後佢又可以同大家道歉，真係好難捉摸」，但最終仍然願意低頭認頭平息糾紛，都係好事！
▼網民留言▼
根據香港法例第374章《道路交通條例》，根據《香港鐵路附例》(第556B章)第27(b)條，任何人不得在已付車費區域內（港鐵公司或第三者從中國任何其他地方運載乘客到香港或從香港運載乘客到中國任何其他地方的任何列車除外）進食，或企圖進食任何食物，或飲用或企圖飲用任何飲品（不論是酒精類或非酒精類飲品）。
資料及圖片來源：Facebook@大埔 TAI PO
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
