前TVB藝人朱智賢與謝東閔正式宣佈分手，謝東閔在IG社交平台上以二人署名發文公布分手消息，直言以後會以不同的身份繼續支持對方。朱智賢與謝東閔於TVB時期拍拖至今七年，一直感情穩定，更曾經屢傳婚訊，可惜最終不敵七年之癢，分手收場。
朱智賢謝東閔宣佈分手
現年同樣38歲的朱智賢與謝東閔拍拖逾7年，曾於2020年，因為女方疑似偷食疑雲而令感情備受考驗，不過男方一直給予支持和信任態度，令二人感情跨過難關。今年二月，謝東閔更於情人節高調放閃，後來曾經一度傳出好事近，可惜最終分手收場，七年前告終。
朱智賢曾歷偷食疑雲
經歷了2020年的感情考驗，朱智賢曾於訪問中感謝男友一直陪伴及給予鼓勵，令二人感情不減反增，「那一年最初沒工作，是他鼓勵我去行山，叫我唔好再浪費時間下去。之後，我哋感情仲昇華咗另一個層次，大家都唔同咗！」當朱智賢被問到二人何時計劃結婚及生小朋友，她就指：「佢carefree啲，覺得一齊就OK，一張紙唔代表啲咩！」
謝東閔今年情人節高調放閃
其實，朱智賢和謝東閔近年來都極少公開同框，早前適逢2月14日情人節是放閃好機會，謝東閔就激罕晒恩愛，在IG分享了一張與女友朱智賢的二人合照，簡單寫下一句：「Happy Valentine’s」，實行高調放閃，不少圈中好友都激動留言，包括張振朗、連詩雅、江嘉敏等。
朱智賢謝東閔邂逅經過
去年正式離巢TVB的朱智賢曾於電台接受訪問時，就分享過與男友謝東閔的相識起緣，坦承認識到男友謝東閔是在這一行最大得著之一：「其實之前冇乜合作過，佢參選《超級巨聲》時，我仲喺紐西蘭讀緊書，都唔知佢係邊個！純粹係綜藝節目《天與地》開會見過面，之後喺宣傳記招認識，係因為有共同朋友，一齊出去玩先熟絡。」
朱智賢曾經冧爆講男友謝東閔
被問到男友謝東閔最初吸引她的地方，朱智賢笑言：「因為佢同我一樣都鍾意狗！最搞笑係佢話畀我聽佢隻狗叫『豬豬』，我呆咗，因為我花名都係叫『朱朱』！好搞笑。」二人因愛狗結緣，她接受對方追求因謝東閔有不少優點，「心地好好、有義氣、個人好真誠，同佢相處好簡單直接！」
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
