的士司機的服務態度經常惹人關注，日前有名港媽與的士司機發生爭執，氣憤發文指自己日前搭的士送小朋友上學，到達時以$50紙幣支付$29的車資，的士司機卻突然爆粗狂鬧指「無X野丫俾$50點X樣找」，令港媽十分愕然稱「成頭問號。」帖文引來網民熱議，網民直呼「離譜得濟」，並港媽教2招解決問題。香港法例規定司機須有充足零錢找續，否則最高可被罰呢個數及監禁半年！即睇下文了解事件經過。
港媽搭的士比$50慘遭司機爆粗狂鬧
近日有港媽於Threads分享自己搭的士的不愉快經歷，指自己日前乘的士送小朋友上學，到學校門口時，便以$50紙幣支付$29的車資，表示「找$20得啦唔該」，怎料的士司機竟破口大罵「無X野丫俾$50點X樣找」、「今朝個X個都俾大紙。」隨即打開銀包展示予樓主，事主見其銀包內全是$100鈔票，嘲諷「唔知以為全部$1,000咁勁」，愕然指「成頭問號，我唔X係俾$500或$1,000喎」，並再強調自己只有$50紙幣。
▼ 帖文 ▼
司機持續爆粗狂鬧事主，因有小朋友在旁，女子要求的士司機不要講粗口，表示「你啲都無用，找錢先。」司機聞言再罵「晨早流流唔X你哋班人唔X得㗎真係」，港媽不願與其爭論，便要求他馬上找續。由約7秒的影片可見，的士正駛離，估計司機最終有找續，但他情緒依舊激動，向乘客大罵「X你老X幾廿歲都唔識做人㗎！」事主對此憤憤不平，質問「唔X明㗎，明知要開工都唔唱定散紙？散紙用晒唔識唱完先再接客？第一次出嚟撈呀」。
▼ 影片截圖 ▼
網民直呼離譜 教2招解決
帖子引來大批網民討論，網民直呼離譜指「50蚊找唔到真係第一次聽」、「似係唔想找錢」、「就算你有大紙 佢都係要找嗰$20俾你嫁 想點……」、「$50都可以鬧？」、「根本博你叫唔洗找！」、「廿蚊都無得找」、「擺明嫌支旗短」、「之前D五百一千佢唔鬧，鬧你個50？」和「離譜得濟」，有網民建議的士須增加電子支付渠道，以防再因找續而出現爭執，並教樓主「下次再遇到咁就直接報警」，另有網民分享自身經歷「我試過一上車講去邊的士司機話車程短廿零蚊找數，問我有無散子，佢話佢唔會找錢如果我無散子就落車」和「我反而試過比exact 價錢個的士佬，都比佢鬧」。
法例規定司機須有充足零錢找續
根據《道路交通(公共服務車輛)規例》第45(2b)條，的士司機為給予乘客找續，須無論何時均攜帶不少於100元的港幣紙鈔以及硬幣，即不少於10元面額鈔票，或2元或以上面額硬幣達90元，及1元或以下面額硬幣達10元，若司機無合理辯解違反規定，一經定罪最高可罰款5,000元及監禁6個月，若的士司機未能為500元或1,000元面額的港幣提供找續，則不屬違法。
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
