鍾培生近日在社交平台上載新片《培生睇樓團》，參觀位於九龍塘的豪宅逸瓏，該單位面積約1200呎，有3間房，有露台。一入門鍾培生就讚客廳寬敞，加上有大露台，直言「呢個我係幾鍾意嘅。」不過，單位藏一細節位成為致命傷，鍾培生更指要增設警告標示。
鍾培生拍片介紹九龍塘豪宅單位
「香港電競之父」鍾培生（Derek）日前在Facebook及Instagram上載一則新短片《培生睇樓團 – 逸瓏篇》，並配字「有甚麼好方法防止樓上扔垃圾落街？」短片由真性情的他帶領參觀九龍塘豪宅逸瓏的一個放租單位，。該單位面積1200呎，月租8-10萬元，有多間房，廚房連接工人房。
客廳採用雲石地板，連接大露台採光好，感覺寬敞舒適，喜歡曬太陽的Derek直言「咁出面有個咁鬼死大嘅露台，呢個我係幾鍾意嘅。」
揭單位露台存在一大缺點
緊接就介紹單位間隔參觀房間，Derek對第一間房似乎不太滿意，認為房間太細。之後就到重點主人房，睡房有套廁，廁所有淋浴間及浴缸，Derek評價「整體都ok嘅一個人住。」下一間就到另一間客房，有落地玻璃門通往外面露台，Derek建議放書櫃。他同時指出單位一大缺點，就是樓上住客有機會亂拋垃圾，露台就會遭殃。
參觀單位當日，見露台有煙頭之餘，還有食剩的蛋黃。Derek無奈表示「呢啲冇得投訴，啲人好冇公德心。」最後就來到廚房，Derek評價頗為新淨，有焗爐、爐頭、雪櫃「夠用啦一條友住」，旁邊就是連接廚房的工人房，驟眼睇面積頗細，不過單位1200呎已用盡空間間出數間房，連「老細房」都不算大，所以可以接受。Derek總結「一條友住就ok嘅，但係可能要整返個Sign（標記），唔好揼嘢落街啦XX。」
網民：買低層樓連平台 9成9唔認識香港樓市
有網民大讚鍾培生帶睇樓介紹夠真實貼地，「如果賣樓班經紀好似你棟篤笑形式去介紹層樓，睇樓嘅時候會開心好多」、「睇得出佢係好真心，1200尺有d細」、「對於Derek, 我諗呢D樓全部都係垃圾」不過同時有人認為鍾培生屢次稱一個人住冇問題，相當離地，「好多家庭 4-5 百呎一家 4-5 口住。」有人則將焦點集中在樓上住戶高空擲物，「住豪宅d人都掉野落街」、「扔野落嚟事少，至怕跳落嚟，香港咪買露台洋樓，隨時變凶宅」、「買新樓連低層平台嘅人，九成九唔認識香港樓市」，有留言建議安裝閉路電視向上影改善問題。
來源：鍾培生Facebook
香港32呎廁所改裝變工人房！1房1廳乾濕分離？設計被鬧不人道
香港寸金尺土，勢必要絞盡腦汁想方設法善用空間，有經常分享「爆改香港空間」的裝修公司，近日在小紅書上以「香港奇聞異事 馬桶也瘋狂」為題，分享一段改造香港單位的影片，引來網民熱議。從片段中可見，一名男子坐在座廁上，旁邊有個淋浴間，完全就是一個原裝廁所設計。不過他頭頂上就見有疑似碌架床床板，在此空間下相當突兀。
▼按圖睇改造環節▼
裝修師傅在馬桶上蓋安裝床架，床尾位置則增設流動式樓梯。每當入住者要「下樓」如廁，就要搬開樓梯方可入內。裝修師傅在安裝完成後入內展示，只見他全程彎腰屈膝，方可避免撞頭。上方放置床褥後，幾乎將光線完全隔離，座廁及洗手盆位置十分昏暗，儼如居在地下室。
」，
App內睇文同睇片可隨時捕捉U Fun彩蛋，
換領現金券及禮品！
【送】Cetaphil舒特膚積雪草舒敏系列💚！
↓即時降紅止痕，全面舒緩和改善5大敏感症狀 | 立即參加！ ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
