TVB台慶劇《巾幗梟雄之懸崖》（簡稱《巾幗4》）一連兩集播映大結局，蕭正楠三個角色—鄧桂平、林茂財、龍四海的真實身份終極曝光，引起一眾網民熱烈討論。蕭正楠拋下偶包的「毁容式」演出，一場戲演勻三個角色，由變態冧笑，到咆哮式落淚，令觀眾勁心寒，甚至獲推舉榮登今年「視帝」！
蕭正楠獲推舉榮登今年「視帝」
對於蕭正楠一再挑戰多層次演技，網民反應兩極，有網民大讚蕭正楠演技脫胎換骨，並指「三個蕭正楠」劇情更故事更有追看性；但亦有網民批評蕭正楠演技未夠火喉，對此監製開腔為蕭正楠護航：「其實我覺得佢做得好好吖，呢場戲，佢三個角色都演得好清楚、到位，所以我剪接時都剪番之前佢唔同角色嘅相關場口同對白落去做對比。」
監製力撐蕭正楠演技大躍進
監製更坦言感受到蕭正楠的躍進及蛻變：「今次佢好實在話畀我知佢係一個演員，之前都感覺佢係介乎歌手與演員之間。今次三個角色表面好大反差，但大家私下討論嘅共識係唔好將角色演得太極端化，要細緻啲。跟住阿蕭佢去到現場嘅表現，見到佢消化得好好，叫佢演龍四海佢就龍四海，演林茂財就林茂財，演邊個就似邊個，好似上咗身咁揮灑自如。佢嘅投入同專注度，令我覺得佢係真正嘅演員。」
蕭正楠拋下偶包「毁容式」演出
日前一集，林茂財直搗七爺辦公室自揭身份一幕，蕭正楠再度挑戰演技新高度，在同一場戲先後以三個不同性格的角色身份演出，先是傻頭傻腦的龍四海、再來是對世界及七爺充滿控訴的鄧桂平，最後是深不可測、奸險無比的林茂財。蕭正楠先以龍四海的傻氣天真Mode，質問七爺何時履行承諾，然後慢慢由四海變成鄧桂平，當說完「你一直以為佢哋係唔同嘅人」時，蕭正楠馬上大變Tone變態地低頭失笑。
蕭正楠一場戲演勻三個角色
接著，蕭正楠再抬起頭時，雙眼已滿佈血絲及淚水，並狠狠瞪著胡定欣進行漸進式大控訴，神情盡是恐怖囂張，期間更激動至咆哮式落淚。之後蕭正楠再林茂財上身，以極無賴＋不屑Tone將七爺批評至體無完膚：「你係咪好驚？甚至懷疑自己就嚟死？」最後更以「變態奸笑」向七爺作出極可怕警告：「你唔係因為啲子彈碎而死，而係喺窗口跌落街、跌死！」說話內容與蕭正楠的天真笑容形成極強烈反差，令人不寒而慄。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
