唐詩詠（Natalie）離開TVB後轉行開麵包店，她開設的日式吐司專門店「33cubread」現正試業中，主打生吐司、骰仔牛角包、丹麥酥，由日式吐司職人川島善行監修。開張一個月人氣愈來愈高，店外長期現人龍，相當旺場。雖然「33cubread」營業時間到晚上8點，不過熱門麵包出爐後即火速售罄，有興趣一試的朋友可能要早少少到場喇！
唐詩詠麵包店「33cubread」現長長人龍
日前，有網民在Facebook群組「香港茶餐廳及美食關注組」發文，分享上周五（11月22日）經過銅鑼灣波斯富街一帶時，發現「33cubread」出現長長人龍，隊尾排到鄰近4個舖位，目測現場逾50人，十分誇張。為了管理人流及讓更多食客買到麵包，現已實施限購政策，每人限買5個。唐詩詠對麵包店十分上心，不時有網民分享見到Natalie駐場打點，為食客包裝麵包。
網民力撐：佢好心機真係去學左返嚟做
雖然有網民認為新店要排隊全因港人三分鐘熱度，但仍有不少網民祝福Natalie生意順利，「聽講佢俾咗好多心機學，希望佢成功！」，有人則大讚「人善則美，食品則良，自然客人來」、「佢有心做好食品」、「有心做緊係會做得好。」唐詩詠近年苦心鑽研及學習烘焙，態度獲嘉許，「佢好心機真係去學左返嚟做，唔係以前掉錢出嚟是旦請人返嚟就話明星開既店個啲」、「因為呢個真係好多時間都落手做，唔似其他明星出面扮下野一陣就算」、「乖乖女努力又肯捱，做麵包好辛苦㗎，梗係要支持啦！」
新店目前處於試業階段，據悉月租逾$6萬，有人擔心業主見麵包店受歡迎，會火速加租。
▼唐詩詠社交平台分享學習烘焙過程▼
由知名日本烘焙師監修
「33cubread」由日式吐司職人川島善行監修，食材採用北海道春之戀麵粉及牛奶。店內人氣商品包括北海道粟米濃湯吐司、明太子骰仔牛角、黑松露骰仔牛角、開心果骰仔牛角、海棉吐司、黑朱古力生吐司、香橙伯爵茶小吐司等。每日3個時段出爐，每人限購5個麵包，有興趣朋友要留意出爐時間勿撲空。
33cubread
地址：銅鑼灣波斯富街116號
營業時間：星期一至日 上午10時至晚上8時
來源：香港茶餐廳及美食關注組、香港茶餐廳及美食關注組、33cubread@Instagram、natalietong53@Instagram
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
