破地獄｜《破·地獄》由上映以來票房走勢強勁，極快的速度打入史上最高香港電影票房三甲。除咗票房報捷，更有影迷預測電影明年將能衝擊香港電影金像獎，並橫掃多個獎項。黃子華早前出席網上節目表示，自己已經率先預告退出影帝之爭?
破地獄｜黃子華率先預告退出影帝之爭?
黃子華早前現身友人文雋的網上節目《講呢啲 講嗰啲 Man's Talk》大談演藝生涯，當提到明年香港電影金像獎即將開放業界人士投票，文雋建議黃子華應憑《破·地獄》提名最佳男配角，其後又改口最佳男配角應為朱柏康。黃子華則表示自己的心水為許冠文提名最佳男主角丶衛詩雅提名最佳女主角丶朱柏康提名最佳男配角，至於最佳女配角，《破·地獄》大有人選。至於自己，黃子華似是無意參賽︰「我呢，個晚我就負責陪大家慶祝，咁我都開心。」後續再解釋︰「我真係認真講一樣嘢，我而家有啲覺得，咁你由《飯戲攻心》丶《毒舌大狀》甚至到呢套，如果都好收得的話(拍攝節目時《破·地獄》尚未上映)，我有啲覺得自己，唔係再咁諗自己嘅時候。對我嚟講，冇得再名利成就㗎啦，唔係追求個啲嘢㗎啦，都唔係話，我去追求我拍一套好嘅作品，而係如果可以拍到一套好嘅作品，係好多人一齊得益嘅咁就最好啦。」
破地獄｜黃子華票房第一失落影帝仍落落大方 談「失獎感受」自嘲新演員
去年黃子華憑《毒舌大狀》首度提名金像獎影帝，惟最後不敵梁朝偉飲恨影帝，不過，黃子華主演的《毒舌大狀》最終榮獲「最佳電影」，壓軸上台的時候更吐露一番得獎心聲，一度哽咽表示「牡丹雖好，需要有綠葉扶持，我哋演員只係綠葉，最重要係創作個人同導演，我見到佢哋每一個字、每一句，都同我哋法律顧問斟酌，去炒出嚟，由頭到尾我哋套戲一個獎都冇，我好想如果我當時攞到獎，如果今晚得唔到獎，會將呢個獎送畀你，但係而家更好結果出咗，多謝大家。」
返到後台時，黃子華接受傳媒提問就被問到飲恨首奪影帝時有否失望，黃子華就直言「講真，我係預咗冇，咁但係頭先我係好緊張，因為到我個陣已經差唔多最後，都仲係一個獎都攞唔到，我就真係好想攞啦個陣！」又謂如今奪得「最佳電影」是更好我結果，因為是代表著全體上下，並坦然好激動。
之後，黃子華又澄清其實自己6年前其實是廿年沒有拍過電影，這6年至今亦只是拍了4部電影，直言「其實我係新演員，拍嘅戲其實唔夠阿Dee多，唔夠佢哋任何一位多。」輕鬆自嘲是新演員，獲讚態度落落大方。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Mrs. Fields Cookies聖誕陶瓷盤連芝士鹹鬆餅！↓
↓ 煙肉洋蔥香蒜/粟米洋蔥 /雜菌香腸洋蔥↓
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
