TVB台慶綜藝節目《與天地對話》第三位登場嘉賓是林盛斌（Bob），今、明（29日）兩晚將踏足澳洲北領地。節目中，Bob憶述讀書時期曾因扮惡得罪惡霸而被「接放學」兼毆打，最終靠三大改變與惡霸化敵為友；又剖白曾因心臟病與死亡近在咫尺 ，後靠改變兩件重要事情渡過疫情及情緒難關。
Bob名言：每日都要有進步
Bob由電台DJ、金牌司儀，到自設公司做老闆，進駐豪宅、名利雙收；其實Bob人生上半場曾經歷無數失敗，尤其疫情數年間，無論個人抑或製作公司均工作量大減甚至零收入，Bob坦言曾一度「怨社會、怨疫情、怨經濟」，但深明命運掌握手中，思想和行為必須改變，終放下老闆尊嚴求變，才成功渡過難關。
靠三大改變與惡霸化敵為友
Bob又感嘆人生：「搵自己最叻、最出色嘅嘢，好好做好佢、好好做到極致，自然有人欣賞。」Bob憶起讀書時期曾扮惡企圖保護脆弱心靈，有次Bob與學校內惡霸起衝突，結果被「接放學」兼遭毆打，Bob坦言該次痛楚過後換來醒覺：「之後開始笑多啲，願意同人交往多啲同冇咁寸，最後同呢班同學仔反而變成朋友，到依家仲有keep住聯絡。」Bob另外到了澳洲東北面的卡卡杜國家公園，坐船穿梭居住了9千隻鱷魚的鱷魚潭，席間Bob感嘆演藝圈像鱷魚潭一樣危機四伏：「表面歌舞昇平，個個笑笑口，其實都係危機四伏，好多人想你死！」
10年前曾錯失當主角機會
Bob透露約10年到8年前，曾經有一次當男主角的機會，但因有不同聲音指他「未夠班」，最終易角，令他錯失當男主機會：「唔夠勁、唔夠強就冇架喇，所以我同自己講，每日一定要有進步，逐少逐少咁累積，幾年成就已經可以好大。」
難忘大女Faye代向網民平反
網絡拉近人與人之間距離，卻造就更多惡意攻擊，對於連續多年登上「十大我最討厭藝人榜」，面對酸民奚落及嘲笑，Bob均一笑置之，但只要牽涉到家人他就無法容忍！Bob指曾有網民在大女Faye社交網站留言：「你爸爸是垃圾」，但感恩當時只有12、13歲大的Faye相當懂事，沒有被打擊之餘，更勇敢為爸爸平反，Bob憶述指：「我個女回覆『No, my dad is not rubbish！he is my hero』，係好感動，個女好生性識得維護爸爸、保護爸爸聲譽。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
