經濟不景氣加上臨近歲晚，不法之徒又出沒！筲箕灣有小店遇小偷，趁無店員注意就擸走了2個陀螺，店主事後翻查閉路電視揭發惡行，更在社交平台發文批評「$6 一個你都偷。」由於該玩具陀螺需發射器方可使用，店主諷刺小偷得物無所用，「你偷一半又唔偷一半。」片段公諸於世後，網民卻錯重點，異口同聲指小偷似「六屆影帝」梁朝偉。
筲箕灣小店遇竊 店主發文諷「笨賊」
筲箕灣文儀用品及衣紙店遭街坊「順手牽羊」，店主翻查閉路電視後發現店舖於11月25日被一名年約50歲的中年漢盜竊，偷了2個陀螺。
店主在Facebook群組「筲箕灣西灣河關注組」公開犯案經過，並諷刺賊仔「$6 一個你都偷，我都唔緊要喇，最大問題係個陀螺要有個發射器先玩到，你偷一半又唔偷一半，依家搞到多咗兩舊垃圾喺我舖頭呀。」店主更在留言區表示「呼籲佢返嚟 同我攞埋兩個發射器。」
▼偷竊過程逐格睇▼
網民錯重點：咁似梁朝偉嘅
片段公開後，網民關注的卻是笨賊的相貌，不約而同地有網民形容似影帝梁朝偉，「矇矇地正面有兩分似朝偉」、「好眉好貌」、「叫佢唔好做賊應該做藝員 做演員」、「咁似梁朝偉既。」該名中年漢目測年約50歲，身穿白色外套灰色長褲，有幾分白髮，驟眼睇確實有些許相像。有網民稱認得出對方，指該名男子是附近雜貨店的睇舖，店主則表示稍後會去相關店舖睇睇。
影帝梁朝偉上周出席香港科技大學榮譽博士學位頒授典禮，他獲頒人文學榮譽博士，媽媽和老婆劉嘉玲亦有到場見證。另外，梁朝偉早前出席活動時受訪，被問到會否回歸無綫拍劇時，梁朝偉則以10字霸氣回應可能性。
▼梁朝偉回應會否回歸無綫拍劇▼
來源：Facebook
」，
App內睇文同睇片可隨時捕捉U Fun彩蛋，
換領現金券及禮品！
↓《U Lifestyle聖誕City Date🎄》投入浪漫聖誕月！↓
↓禮物‧活動‧攻略3️⃣重奏～立即參加輕鬆賺U Fun、拎獎品🎁！↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
