破地獄｜《破·地獄》成為今年繼《九龍城寨之圍城》之後最成功的電影，更令黃子華繼《毒舌大狀》之後，再擁一套破億票房電影。黃子華由票房毒藥進化成票房靈藥的路絕不容易，除了有自己的努力，當然要多得一路上遇到的伯樂，黃子華曾於最後一場棟篤笑騷《金盆啷口》公開致謝周潤發發哥，並揭起不為人知的感人往事。
黃子華揭周潤發不為人知的感人往事
黃子華曾於最後一場棟篤笑騷《金盆啷口》公開致謝周潤發，當時周潤發更是座上客，黃子華透露自己在舉辦《金盆啷口》之前於街頭捕獲發哥，並邀請他來睇騷。黃子華表示自己內心多年來一直都希望多謝發哥，並於台上大談往事︰「我第一個棟篤笑叫《娛樂圈血肉史》，喺一個好細嘅場，三百幾人嘅場做，總之做咗六場，加埋啫係話做埋之後全香港應該冇二千人認識我嘅，有一日我喺酒店到，應該冇人識我嘅個個時候，喺酒店同一個朋友喺一個中菜餐廳食飯，食食下飯離遠，有幾遠呢，差唔多喺(距離台上)出口咁遠，忽然間有個房門一開，我就即刻同隔離嘅朋友講︰『周潤發周潤發周潤發啊』咁然後呢，周潤發一行出嚟，我係唔承認佢係望到我，佢就開始對住我，佢一路行行行行到我前面(握手)。」黃子華當時形容情況像宮女見到皇上一樣，內心不斷想︰「你冇理由會認得我架喎。」「你冇理由睇過我嘅騷喎。」此次的鼓勵令黃子華緊記至今。
被周潤發第二次野生捕獲
其後黃子華繼續於台上分享周潤發第二次經歷....
第二次黃子華重遇發哥已是上次的十年後，期間並無再接觸周潤發，黃子華表示當時到西貢拍攝《男親女愛》的片頭，當時劇組偶遇正在攝影的周潤發，大家就寒喧幾句就分別了。兩個月之後，突然TVB同事聯絡黃子華，指發哥有東西要給自己。原來周潤發親自送上為黃子華拍下的照片，甚至連相框都是周潤發親自完成，周潤發更在照片中寫下「Sure Win」。黃子華表示︰「我好感謝發哥令我領略到地球真係有外星人，我見咗佢兩次，多謝發哥。」
圖片來源︰FACEBOOK@子華本部
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Mrs. Fields Cookies聖誕陶瓷盤連芝士鹹鬆餅！↓
↓ 煙肉洋蔥香蒜/粟米洋蔥 /雜菌香腸洋蔥↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
