TVB相隔20年再度推出電視電影《尋夢琴澳》，卡士雲集當紅三生三旦，包括陳展鵬、譚俊彥、馬國明、胡定欣、林夏薇、張曦雯，於11月30日晚上八點半播出。劇情講述六位港人因緣際會來到橫琴工作旅居，在事業、愛情、友情上互相啟發，迎接無限可能。
尋夢琴澳｜劇情簡介
《尋夢琴澳》講述面對著不同中年危機的兩夫婦施亮（譚俊彥飾）及張希瑜（胡定欣飾）結婚多年，，冀在橫琴開展美好生活，卻因生育大計釀磨擦，希瑜更懷疑施亮有外遇。二人在橫琴遇到了不少有趣的人和事，包括施亮的「女神上司」莊雅柔（張曦雯飾）。戲中施氏夫婦主要面對的問題包括事業、尊嚴、生兒育女及父母親先天給予的壓力等不同類型問題。
至於公關經理周榮燊（陳展鵬飾）、方思思（林夏薇飾）於職場針鋒相對，思思險墮網上情騙陷阱，幸榮燊相助保不失，競爭對手可會化敵為友？而才貌雙全的莊雅柔（張曦雯飾）周旋在男友榮燊與高富帥董卓然（馬國明飾）之間，激起意想不到的波瀾……面對人生轉捩點，眾人於迷惘與掙扎下，如何認清前進方向？
尋夢琴澳｜譚俊彥配胡定欣
譚俊彥和胡定欣齊齊拋下視帝、視后包袱，以瘋狂又誇張的演繹，帶出一個又一個都市人每日也遇到的問題，其中的床上戲及爆喊戲更相當反傳統。其中一場床上戲的劇情講述「年紀有番咁上下」的希瑜為了母親的一句遺言急著生B，故經常主動向老公施亮「飛擒大咬」，送上肉嘴之餘還會上演壁咚情節。
另一場二人因為訴說各自面對的壓力、終忍不住爆煲兼爆喊的場口亦相當搞笑，觀乎官方發布宣傳照，二人在相關場口出盡九牛二虎之力瘋狂喪喊，成塊臉濕晒之餘、表情亦極盡誇張，實屬近年難得一見。
尋夢琴澳｜陳展鵬配林夏薇
飾演「孤獨中女」思思的林夏薇，與陳展鵬飾演的周榮燊是同事亦是歡喜冤家；雖然在公事上鬥個你死我活，但身為暖男的榮燊私底下對思思其實十分關心，更協助思思勇破「網戀騙局」，而負責飾演網絡虛擬騙子阿King的就是馬國明。今次一人分飾兩角的馬國明，另外還會飾演成功人士董卓然，董卓然與阿King更有著莫名神秘的關連…
尋夢琴澳｜張曦雯本色演出
至於張曦雯在劇中繼續貫徹本色飾演「全國最靚建築師」。為了突顯Kelly女神感，她每次出場均有「女神光」及「女神風」加持，視覺效果一流！提到打造女神感背後趣事，張曦雯笑言：「係呀，呢個世界係冇女神、係要打造出嚟架，最緊要係燈光靚同埋要有風。林肯為咗我出場時可以女神啲，有特登準備一部風機畀我去吹起我啲頭髮，但係最終我啲女神風大到連阿Shaun嘅頭髮都飛起埋，我睇完都覺得好搞笑。同埋其實喺咁大風情況下，要笑得燦爛同展現迷人眼神好難，因為個風大到吹到我對眼好乾，Con都爭啲甩埋。」
尋夢琴澳｜馬國明喜劇大爆發
今次馬國明再度喜劇大爆發，更「鄭子誠」、「霸道總裁」及「韓劇式暖男」同時上身，施展渾身解數冧爆薇薇。馬國明與林夏薇每場談情場口均Chok到盡頭地情深款款，相當爆笑；加上每個姿勢亦相當出位，不是壁咚、就是插褲袋，當中更有兩幕扁嘴戲，相當油膩；加上步姿完全六十年代Feel，感覺猶如「難兄難弟」李奇上身般！
馬國明對角色坦言十分好玩，並笑言自己十分享受拍攝喜劇：「個角色嘅演繹都係同監製度出嚟，因為我哋覺得網上騙子應該首先會經常用把聲去呃人，所以就諗到以音樂情人鄭子誠做原型，所以我講對白時會懶係電台DJ咁，懶冧懶溫柔咁，都幾得意、幾好玩呀，自己都好耐冇演啲喜劇感覺嘅嘢，雖然自己演戲唔係好叻，但其實都幾享受玩喜劇，希望出嚟觀眾都會睇得開心吖。」
尋夢琴澳｜馬國明「愛情金句」
除了聲線和肢體語言，馬國明角色的「愛情金句」亦相當肉麻搞笑，先後有：「無論你喺邊，我個心都係有你」 、「愛一個人，就係要冇理智」，還有劃時代的「不在乎天長地久，只在乎曾經擁有」，冧到薇薇暈得一陣陣。
馬國明大拋「簡單愛妻論」
問到現實中的馬明會否都是氹老婆高手，對此馬明即大拋「簡單愛妻論」：「平時我氹女仔真係唔係好叻，但我覺得最緊要真誠，只要你真係對嗰個人好，我相信佢會感受到。即係譬如身為老公嘅，如果唔需要開工，就陪多啲太太，太太要去邊，你就車佢去咯，都係陪吓佢做日常生活嘢，盡可能得閒就陪住老婆。我成日覺得兩公婆只要陪伴就會開心，就算做好簡單嘅嘢都會好開心。」
」，
App內睇文同睇片可隨時捕捉U Fun彩蛋，
換領現金券及禮品！
↓《U Lifestyle聖誕City Date🎄》投入浪漫聖誕月！↓
↓禮物‧活動‧攻略3️⃣重奏～立即參加輕鬆賺U Fun、拎獎品🎁！↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
