異空感應｜羅毓儀晒逆天童顏演中五學生 零違和感慘呻：到底點先可以長大？
TVB劇集《異空感應》開播以來反應不俗，其中客串演出的羅毓儀（Yuki）再晒「逆天童顏」飾演一名中五學生，獲一眾網民再次激讚零違和感，但Yuki就似乎相當「頭痕」，更在IG搞笑留言：「到底點先可以長大？
之前演出《巾幗4》因被指樣子似12歲一度掀起熱話的羅毓儀，這次在劇中再度發揮「逆天童顏」，飾演年僅16至17歲左右的中五學生妹；穿上校服的Yuki，日前一集更有一場戲，她張大雙睛楚楚可憐的樣子、再加上穿着校服，絕對是童顏認證。
對於羅毓儀第N度冧莊演學生妹，網民依然受落，大讚零違和感之餘，並笑言羅毓儀是「永恒的學生妹」：「路小小（羅毓儀《愛回家》角色）睇嚟應可做中學生做到三十五歲」、「28歲演16歲，相信都係一個紀錄」。對於再度因演學生妹被指神似，羅毓儀在IG Story搞笑問問題求救：「到底點先可以長大？」由於羅毓儀的樣子太似小朋友，加上生得細細粒，與僅比她年長一歲的陳曉華對戲時，感覺真的像是大姐姐安慰小妹妹，所以當網民得悉陳曉華與Yuki年紀這麼接近時均大表驚訝。
羅毓儀是次拍攝《異空感應》雖然只是客串性質，但由於角色有發揮，除因患有思覺過敏不肯定自己是否真的殺了妹妹而經常要表現得驚惶失措兼無限掙扎，更要挑戰一場超真實及震撼的跳樓戲。羅毓儀說：「呢場跳樓戲算係我入行以嚟印象最深刻嘅其中一場戲，我原本以為自己冇畏高，因為我玩過山車、跳樓機從來冇問題。點知喺嗰度上咗威也、到真係行出去嘅時候，我發現成個感覺同玩機動遊戲係兩樣嘢！因為安全感實在太低，我同蕭徽勇（Gordon）企個位又好邊邊、只要行出少少就會跌落樓（雖然有威也都係驚）。我哋要喺嗰個最邊邊嘅位度推撞同掙扎，因為要就番個鏡頭。因為拍嗰時成兩年前，我經驗尚淺、真係好驚，好彩Gordon經驗豐富，佢雖然自己都有畏高同好驚，但佢都好專業，仲全程捉實我等我唔使太驚，好多謝佢。」
羅毓儀續指雖然她與Gordon不用真的由十樓跳落街，但為配合劇組後期製作，二人仍是需於劇組事先布置好的綠幕前拍攝跳躍動作；由於該幢大廈已頗有年紀、現場佈滿「受傷陷阱」，加上二人拍攝時需要忘我地盡情投入，結果Gordon意外地將頭撼落牆身；雖然當時劇組武指已馬上伸出援手幫Gordon卸力，但羅毓儀指Gordon撞到後感覺相當頭痛，但仍堅持完成拍攝後才去醫院，相當專業。
羅毓儀又指拍攝趴在爛車上的戲份時亦是驚險重重：「因為我哋要爬上一個爛晒嘅車頂，等劇組用威也吊起我哋再跌番落架車度，雖然距離唔係好大，但都有一下離心力。加上嗰架車真係爛晒，雖然劇組事先已經幫我哋清理咗啲尖銳物，但因為我著裙，所以都有輕微整親，我更佩服Gordon仲要成個人瞓落我幫我食咗唔少『重災區』，我真係好欣賞佢。」
港生活人氣娛樂新聞
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
