昨晚（12月16日）播出的《東張西望》報導一名現年69歲的婦人Winnie（化名）與兒子Jason（化名）因580萬元遺產而反面，Winnie痛失畢生積蓄。Winnie指自己在28歲時結識第2任「老公」阿明（化名），二人育有一子Jason。無業的阿明欠下一身債，深愛他的Winnie終決定「下海」做夜總會舞女養全家，最後更Full Pay置業。最後卻因賣樓財產分配而因兒子Jason反目，Winnie慘呻「我點知佢會衰到咁樣呢？」
Winnie突然出現與Jason當面對質
《東張西望》成功採訪Jason，Jason則向攝製隊澄清有關指責，期間Winnie突然現身，二人當場對質，火藥味濃。
Winnie直斥Jason說謊，爸爸住院6個月，親戚嚟，你就蒲一蒲頭！爸爸住咗6個月，你冇去睇，你話爸爸冇錢冇棺材，有錢有棺材。」Winnie又指500多萬元的遺產，Jason取走了400幾萬，「你話百幾萬係遺產稅，宜家又話300幾萬，所以我點解要打你，就係咁樣！」
Winnie在斥責Jason沒有為父親繳付殯殮開支時，情緒愈發激動，愈講愈大聲，Jason突然叫停訪問要求Winnie細聲一點，「我唔採訪喇，如果再係咁。」
Jason指父親阿明給予Winnie100萬元是為了撇清關係，Winnie則指是自己叫阿明賣樓醫病，「因為佢（阿明）已經病啦，冇錢睇醫生，我話一定要賣，唔賣唔掂。」Winnie又再次指責Jason只顧錢，「爸爸喺入面打強心針，佢（Jason）問哥哥，爸爸啲錢點分」，Jason否認指控。
Winnie又指Jason並沒有付32萬元的殮葬費，Jason否認並出示一張4萬多元的單據，指爸爸的殮葬費已繳清。
Jason拒認Winnie為母 強調沒打算與對方分遺產
Jason指自己不承認Winnie對自己有養育之恩，兼不會與她分遺產，「因為佢打咗我，好重傷。」Winnie對掌摑一事直認不諱，稱因為對方表示錢在自己手上，「唔畀！」Winnie稱「我就劈劈啪啪打佢，衫都畀我扯到爛晒。佢話佢唔畀我先打佢。」
Jason則指不論有沒有挨打，自己從頭到尾都沒打算與Winnie分遺產。原因有三，一是Winnie傷害了自己、二是家族不承認她、三是爸爸生前已給過錢。
聲稱「冒警」只為敷衍及打發Winnie
Jason向他人及遺產管理人的宣誓中曾聲稱自己做警察，訛稱要巡邏、寫報告、為犯人錄口供等。Jason解釋報稱做警察只是敷衍Winnie，Winnie直斥Jason「冒警」：「佢由頭到尾都係冒警！冒警係有罪㗎！」
Jason多番強調自己不認Winnie為母親，當翻查Winnie與Jason的微信對話紀錄及錄音，卻有錄音證明Jason多次稱呼對方「媽媽。」不過Jason聽後表示「唔係我嚟，因為我把聲唔會係咁樣，同埋佢講嘢好唔清晰！」攝製隊要求Winnie即場致電Jason，證實該號碼是他本人，但Jason仍然堅稱聲音不是自己。
Winnie：佢點衰法，我係認佢做仔
歷經Jason多次不認母後，Winnie心痛又氣憤，但仍會認對方做仔，「始終我同佢有感情，佢點樣衰法，我都係認佢做仔。」對於養出忘本的忤逆子，Winnie認為是基因的問題，「佢爸爸都係無情無義，所以佢出嘅基因就係咁樣。」
來源：東張西望
Winnie鬧爆Jason認錢唔認人
《東張西望》繼續報導港婦Winnie為養家及還債下海做舞女，昨晚播出一集指，原來Winnie並非Jason生母。當年丈夫阿明渴望繼後香燈，不過Winnie已結紥無能為力。後來Winnie就決定犧牲自己，在歡場找來另一名女性做代母，Winnie無奈嘆「我無所謂㗎。」
Winnie親生女「小妹」曾經與Jason一同成長，亦坦言認為Winnie偏袒Jason。氣憤Winnie辛辛苦苦做小姐賺錢，卻被Jason不勞而獲。
Jason指雙方曾簽署和解書 承諾斷絕來往
《東張西望》找到Jason親身回應養母Winnie指控。Jason形容Winnie是個很盡責，與爸爸關係很好的人。他指自己自8、9歲後就沒再稱Winnie為媽媽。Jason稱自己小時候已經入住男童院，由社會福利署照顧，「直至讀書，任何供養都是老師、政府資助。」
Jason稱自己不知道是由Winnie工作養家，他估計爸爸應該工作搵錢，不過可能從事放貸收數，而非正當正規行業。
Jason回應有關阿明遺產分配
二人其後在親戚喪禮上碰禮，再爆衝突。當被問到Jason是否說過「我鍾意就畀，唔鍾意就唔畀」類似言論，Jason就否認，二人對質爆發衝突。
為養家兼還債 Winnie下海11年賺錢
現年69歲的婦人Winnie未夠18歲時認識第一任丈夫，生下5個仔女，不過8年後因丈夫出軌而離婚收場。在28歲時遇到比自己大十幾年的第二任「丈夫」阿明，雖然阿明終日遊手好閒又欠下幾十萬債務，但Winnie依然迷戀對自己千依百順的阿明，「可能我鍾意佢高大同埋靚仔，就係咁。」
Winnie指與前夫所生的5個子女很反感她不愛惜自己「下海」，女兒更因此沒有聯絡十多年，但最後他們亦體諒自己做舞女的過去。Winnie懊悔過去未有盡媽媽的責任，只一心一意對待與阿明的兒子Jason。
靠肉金及標會方式 以180萬多萬買入土瓜灣住宅單位
1991年，Winnie憑自己的努力以180幾萬全額買入土瓜灣一個單位，「將我自己所有嘢賣晒，嚟買呢層樓。」然而，Winnie太愛阿明、太信任阿明，物業只寫了阿明的名字，而阿明與Winnie原來沒有註冊結婚，有實無名，為日後與兒子爭產反目埋下伏線。當被問到為何二人不登記結婚，Winnie解釋擔心與有社團背景的阿明結婚會影響到自己與前夫所生的仔女。
直到2017年，Winnie見阿明健康惡化，建議賣樓醫病，忤逆子Jason得知後就對Winnie說「賣樓的錢要分3份」，結果單位以850萬賣出後，阿明只分了100萬給Winnie。Winnie憶述阿明當時解釋，「你就大使嘅，老公暫時畀100萬你先，你使完先再講。老公係一家之主，等老公第日唔係到，你先揸弗喇！」
Jason成承繼遺產後 母子即反目
Winnie指自己對Jason的了解甚微，「佢做乜嘢其實我哋都唔知，佢成日話自己係警察。」當阿明離世後，因生前未有立遺囑，又沒有與Winnie註冊結婚，Jason就自然而然成為580萬遺產的合法承繼人。取得遺產後，Jason就立即翻臉不認人，Winnie哭訴「個衰仔，我點知佢會衰到咁樣呢？」
下集《東張西望》將追訪Jason，揭與母親Winnie反目的驚人原因。
來源：《東張西望》
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】BHAWA香薰減壓滾珠精油系列！↓
↓ 天然成分｜幫您放鬆、緩解焦慮↓
↓【限時搶⚡】Bheue天然活膚保濕護理系列！↓
↓ 天然成分、溫和有效/全方位呵護孕媽↓
