呃錢黨再現？近年本港各區頻現「呃錢黨」、「借錢黨」、「食飯黨」等，不時都有陌生男女在街頭上以另類方式「求財」，當中不乏利用好心人的善意，如用「無錢食飯」、「無錢搭車」等理由試圖獲利。最近一名港男在九龍灣亦遭遇類似事件，指對方為內地人士，苦求他借錢去機場，過程中更用渾身解數，以3大理由作糾纏，又強調「我不是騙你錢」，事主最終咁脫身？
內地人苦求港男借錢去機場 3大理由糾纏不休！事主咁脫身
日前一名男網民透過連登討論區發帖，以「大陸專才又有新玩法？」為題，分享自己近日疑碰上「呃錢黨」的經歷。他表示，早兩日在九龍灣突然被一名內地人士攔下，對方首先以問路的方式，詢問事主如合何前往機場，更大膽問「你有冇車可以載我？」事主拒絕並向對方表示可以選擇乘坐地鐵。該內地人隨後繼續與事主交談，稱自己「咁急落咗嚟，又咩錢都冇，坐唔到車」，遂問事主借錢坐車去機場。
▼港男 VS 內地人對話一覽▼
事主表示，對方得悉其信用卡戶口遭凍結之後才說「好啦」，最終才成功脫身！他於文末指，「過左兩三分鐘行返過去條友就唔見咗，請問呢個係咩新型專才玩法」、「去機場果幾百蚊都要呃？係咪新手上路第一個攞左我開刀」？隨即就引來網民回應。
有網民對事主可以與對方交談甚久感驚奇：「仲同佢講咁多嘢」、「fing開佢走啦」、「佢心諗搵咗咁多人，得你一個會企係度同佢講咁耐嘢，正常一句X佢就走人啦」。不過都有網民獻計，「幫佢call架85的（八五折的士），remarks $100 tips（備註$100貼士），送埋佢上車」、「冇車就行路啦，我頭先見幾個行咗去」。事主及後留言補充：「我指住想行過去幫佢截的士，佢就叫停我，同我講佢銀行凍結曬冇錢」。
▼網民留言▼
資料及圖片來源：連登討論區
好心港男遭深圳「美女黨」拉住唔畀走...
港男Youtuber「香港大成」早前在個人頻道上發布了一段影片，標題為《羅湖站美女借錢黨 目標單身寡佬信不信由你！》。影片中，提到他在羅湖地鐵站內遭到一名疑似「美女借錢黨」糾纏，當時他不但損失了金錢，而且差點無法脫身？
▼按圖看事件經過▼
呢類人最易成為目標？
事後，港男憶述當時情況，他直指該女子行為舉止上有太多不合理之處。無論是一開始好心買飲品給對方，還是最後女子死咬不放，「拉住我，唔畀我走！」以上種種都令他驚覺是一場騙局，今次實拍片除了提醒大家要時刻提高警覺，他更指出一類人士最容易成為騙徒的目標？
▼結局▼
網友提醒1情況下最危險？
影片曝光後，短短幾日已經在網上引起極大迴響，不少網友都表示女子分明是作賊心虛，所以看到港男找地鐵保安後便火速離開。亦有網友表示曾遇過片中女子，提醒港男下次遇到相同狀況最好「即走」，或是尋求公安或地鐵保安幫助，並紛紛留言「啲人為咗呃錢，無所不用其極」、「擺明色誘跌哂膊咁，誘惑你」、「如果色心起就更大鑊」。
▼網友點講▼
此外，有網友則認為港男應該乘勢而為，花費$200揭開該女子的真面目，「應該俾200蚊佢，睇下之後嘅後續，拍埋落去，豐富下劇情」、「將影片分為上中下三部，你請個臨時演員拍三集，都係200蚊咋，抵呀！」、「其實你應該借2舊水比佢，再加佢聯絡方式，咁之後再發展嘛」。
影片授權：YouTube@香港大成
港島東現呃錢黨 專向學生哥落手
近日多區出現呃錢黨，日前有港島東的街坊近日疑似遇上新的行騙手法，這些騙徒專門向學生落手。網民指，當對騙徒表示可以帶她到警署尋找協助，對方便會離去，「有位叔叔上前同我講，她專向學生攞錢。」網民在留言補充指「我見佢（疑似騙徒）問咗個女仔好耐，所以上前問佢有乜幫手，這個希望可以比啲家長見到教自己啲仔女，怎樣應對」，提醒街坊小心。
▼ 帖文 ▼
樓主再補充指「我有同佢講搵食行遠啲，個女人都唔怕，仲想來打我，我話報警佢先繼續行。」，並上傳疑似騙徒的女子照片，提醒街坊。
影片長約3秒，可見女子轉身反拍樓主。網民指「佢咁熟手拎部手機出來影人就知佢咩料啦……」樓主以「慣犯」作回應，亦有網民詢問「做咩事影你呀」，樓主回應表示「我拆穿佢係騙子」。
▼ 影片截圖 ▼
網民怒罵 教3計防身對付騙徒
帖子引來大批網民討論，大部份網民對騙徒呃錢行為感到憤怒指「東區多左好多人揾食」、「當我地香港人係水魚」、「我會破口大駡死X開」、「爆紅佢……等街坊知道」。另有網民教街坊遇到騙徒時應「大家應該就響應政府呼籲：見疑即報」、「學生、家長、學校各方要互相提醒，這些人見到可以落手就上前問攞錢」和「試過有次扮日本仔，用日文應佢，好冇癮咁走咗。利申：日文N2」。
亦有網民疑曾經遇過指「我好似幾星期前係銀河門口打機都比佢問過，普通話…講咩難言之類….我回佢聽唔明….之後就同個男人一齊行咗去…男人係同黨之前企係果到食煙.」和「上星期喺東區法院對面有一男一女，唔認得係咪呢個女人四周圍問人。」。
相關文章︰港島東呃錢黨專向學生落手！被捉即反拍？網民鬧爆：當我哋係水魚！附3招防身反擊
港鐵月台驚現中年女「賣慘」向途人借錢？
有港人於Threads發文，表示早前在港鐵旺角站往荃灣方向的月台，遇上一名50歲左右的中年女子，對方有著如同「貞子」一樣的黑長髮、左腳小腿戴上一個金屬腳套，故意「賣慘」向途人借錢？
▼點擊看事發經過▼
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
