一對港產大熊貓家姐細佬自出生以來就備受全城關注，行政長官李家超於行政會議前見傳媒宣佈一系列農曆新年活動安排，同時宣佈一對大熊貓於2月16號與公眾見面。海洋公園亦經常發放兩姐弟的暴風式的成長片段。海洋公園不時上載影片分享對港產大熊貓的成長片段。家姐細佬「初見」爸爸樂樂；細佬學會「企起身」，兩姐弟更與媽媽盈盈同框，令護理員及一眾市民都大感欣慰。《港生活》編輯亦趁機會與大家一同回顧家姐、細佬的成長日記。
盈盈左擁右抱家姐細佬 海洋公園揭秘熊貓育嬰室
海洋公園一連幾日發放家姐細佬的日常影片及相片，1月10日就更新盈盈與兩姐弟的溫馨片段。片中盈盈抱住家姐細佬，左擁右抱的盈盈之後用口叼起家姐，家姐就向盈盈媽媽索吻。至於細佬就在盈盈身上爬行，似乎想吃奶。翌日亦公開細佬學爬的影片，見細佬在階級上爬行，雖中途不慎跌倒，但亦再次站起繼續爬。海洋公園就為大家解答疑難，表示熊貓的骨骼密度大，而且身上有結實肌肉、厚實皮毛同充滿彈性的脂肪，加上熊貓BB的身型會起到緩衝作用，所以不怕跌痛屁股。
而1月12日就發佈了家姐細佬的育嬰室相片，可見牠們喜歡玩玩具，家姐更特別喜歡玩木馬。海洋公園亦向一眾網民詢問意見：「大家覺得仲有咩啱家姐細佬玩呢？不妨提議下」。網民就紛紛留言，反應雀躍，「可以加個韆鞦仔？」、「加個小型波波池？」、「整棟樹俾家姐細佬玩」。
家姐細佬打鬧日常 媽媽盈盈表情淡定
海洋公園日前（1月3日）再發布家姐細佬與媽媽盈盈，一家三口的同框影片，片中可見家姐細佬在盈盈面前打鬧，不過盈盈就相當淡定，坐在牠們身後吃筍，海洋公園就形容為「淡定有筍剩」。網民就對於盈盈反應以及家姐細佬的打鬧行為感可愛，紛紛留言，「盈盈媽媽只係幾個月就已經睇化咗啦」、「佢兩個仲未識搶阿媽啲嘢食」、「你有你哋打，阿媽有阿媽繼續食」。
細佬「塞」家姐入籃 網民笑稱：明點解家姐出世先
海洋公園於新一年繼續與大家更新家姐細佬的近況，日前就發布新影片，見細佬於片首已不停塞家姐入竹籃，當家姐完全進入竹籃後，細佬又想爬入籃中，不時發出叫聲，字幕就寫著「我都想玩啊」。不過竹籃空間不足，家姐一度想爬出來，但被細佬擋住去路，細佬更輕咬家姐，場面搞笑。
有網民就笑言：「完全明白為什麼家姐出世先了」、「唔怪得家姐出世先」；亦有網民十分期待姐弟長大後的互動，「好快佢哋兩姊弟會『打交』」。
盈盈初嘗「一湊二」表情淡定 三口同框場面溫馨
海洋公園12月30日在社交平台發布新影片，影片見盈盈媽媽與龍鳳胎同框出現，園方指這是盈盈首次同時照顧龍鳳胎姐弟，家姐見到媽媽馬上撲上前「錫錫」，而細佬就在媽媽身上飲奶，而盈盈表情依然淡定。至影片後段，盈盈更將兩姐弟一擁入懷，場面十分溫馨。
網民就紛紛留言表示畫面有愛，「盈盈媽咪秒變慈母，太有愛啦！」、「好溫馨嘅一拖二」、「三母子太甜了」；亦有網民留意到細佬背上的紫色記號，「個紫色標記有啲似豬肉章啊」，園方就指紫色記號是以動物安全食用色素製作，方便護理員做行為觀察記錄時更易分辨一對龍鳳胎。
家姐細佬「初見」爸爸樂樂
熊貓雙胞胎家姐細佬出世4個多月，一直都未有與爸爸樂樂見面。海洋公園日前就安排兩姐弟與爸爸「見面」，從日前發布的影片可見，原來是園方準備了印有爸爸樂樂及媽媽盈盈樣貌的咕𠱸。只見家姐見到樂樂咕𠱸就飛撲上前。園方打趣道：「唔通佢認得呢個係前世情人？」至於鏡頭一轉，就輪到細佬抱著盈盈咕𠱸，似乎在向咕𠱸「撒嬌」。
影片釋出後，不少網民都紛紛留言，「幾時先可以一家四口團聚呀？」、「細佬都係鍾意媽咪多啲」、「兩姊弟終於可以見到樂樂爸爸係咩樣喇，見唔到真熊，見到個咕𠱸都好，可以攬吓咬吓」。亦有網民表示家姐或許只是對樂樂手中的竹筍有興趣，「可能想食爸爸手中嘅竹筍」。
雖然有不少網民都希望可以看到樂樂盈盈與家姐細佬一家團聚的畫面，不過海洋公園早前曾解釋指，大熊貓是獨居動物，一般而言，雄性與雌性熊貓發情期完成交配後就不會再見面，所以一家四口團聚的畫面或難以出現。
細佬成就解鎖 學識自己「企起身」
海洋公園日前發放最新影片，片中見熊貓雙胞胎之一的「細佬」原本慢慢向護理員方向爬行，及後「奶媽」多次向其叫「起身」後，「細佬」後腳突然發力撐起身體，終於學會「企起身」！不過行了一兩步，不足幾秒後就變回「麻糬」形態，相當可愛。
影片後半段就見護理員利用玩具球吸引「細佬」爬行，訓練牠學會站立，感動表示：「睇住佢一步一步學行嘅過程真係好療癒...今次真係細佬生性，盈盈、家姐、契爸契媽、奶爸奶媽倍感安慰。」影片釋出後引來熱烈討論，不少網民都紛紛表示可愛，又大讚「細佬好叻」，「好叻仔呀」、「細佬真係大個仔啦」、「好開心大家睇住佢嘅第一次」；亦有網民關心「家姐」的進展，「好叻呀細佬，家姐呢？」
即睇細佬學企片段
回顧大熊貓成長日記
首對香港出世的大熊貓雙胞胎BB
大熊貓盈盈早前在8月15日成功誕下一隻雌性同一隻雄性大熊貓 BB，更是有紀錄以來最年長初次成功產子嘅大熊貓！海洋公園更在Instagram上為港產大熊貓 BB開設社交媒體，定期分享龍鳳胎的最新消息。
海洋公園不定期在社交專頁發布兩姐弟的成長相片以及片段，見證牠們4個月來的成長過程。
姐弟初生時期
家姐細佬初生時期僅有人類一隻手掌大小，外表有如一隻粉色小老鼠一樣。海洋公園就曾發放護理員為牠們刺激排便的影片網民紛紛在帖下留言大讚可愛，「可愛好得意，細佬好似好嘆好享受」、「好似要幫貓貓催尿同便便咁樣」、「點解可以咁得意」。
至出生約2星期，熊貓BB已開始「上色」，可以見到牠們粉色的身體開始出現「黑白色背心」以及黑眼圈。
姐弟滿月時期
出世一個月後，「背心仔」已變得實色，亦開始對外界感好奇，會在床上爬來爬去。出生時重 122 克的家姐，體重已增至 910 克；而細佬亦由出生時的112 克，增磅至814 克。
不過此時的熊貓BB亦未開眼，海洋公園指熊貓BB會在出生36至58天開眼，一般會先分開上下眼簾慢慢開一條細縫，至一個半月左右完全開眼；而聽力會於大概75日後變得敏感。海洋公園得特意為兩姐弟舉行滿月活動，送出815份豬腳薑醋。
家姐細佬可自行調節體溫後，已可離開保溫箱，兩隻熊貓BB亦不時同框出現，可愛互動連連！
一個半月後，兩姐弟亦逐漸開眼，開始看到這個世界。
姐弟出世百日
兩姐弟於11月終於誕生100日，海洋公園為牠們舉行「大熊貓雙胞胎百日慶」，有園內實時直播活動、熊貓BB相展等活動。
海洋公園亦發放家姐細佬3個月來的成長剪輯片段，令不少網民都直呼感動，「由細細條變成大大隻，真係好感動想喊」、「好開心可以見證家姐細佬嘅出世、成長！」家姐細佬的暴風式成長，也令不少市民十分期待牠們長大的面貌！
相關文章：
港生活人氣本地熱話
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
【浪漫旅人祭🌸】登記贏禮品！
↓大派旅遊資助金💰 x 實用旅遊禮品✈️↓
