連鎖餐廳員工疑集體性騷擾新同事！改花名「大波蓮」嘲：可以做防撞網！餐廳發聲明回應
連鎖韓式餐廳Terrace in seaside被指發生職場性騷擾。有新入職員工於社交平台發文，控訴又一城分店分區經理性騷擾自己，包括在返工首日即為女事主改不雅花名，未顧及事主感受的情況下，擅自以「大波妹」稱呼。之後連周遭同事連帶發表性騷擾言論，令事主感到被冒犯。帖文發布後，餐廳同日出聲明，稱涉事員工已停職及處分。
連鎖餐廳員工指控遭遇職場性騷擾
韓國過江龍餐廳Terrace in seaside的又一城分店分區經理被新入職女員工控訴性騷擾，首日返工即被改花名，稱呼女事主為「大波妹」。翌日性騷擾言論更升級至「大波蓮」，女事主指，連其他同事亦開始以花名稱呼自己，甚至以她的身材開玩笑，「佢哋開始攞我講笑，攞碟嘅時候同我講個波咁大可以做防撞網好安全唔會跌」，言論及態度令事主感到不被尊重。
性騷擾言行變本加厲，女事主加入公司通訊群組後發現，該分區經理竟然「直接將我花名（大波蓮）打落報更上面 而其他同樣擁有花名嘅人就用返佢哋自己個真名」，事主怒斥「你哋係咪冇員工培訓過？唔識尊重人？」女事主補充，除了報更一事，分區經理亦曾對自己發表具性暗示言論，「有個同事叫我企出去嗌人入嚟食，我企咗一陣個分區經理行出嚟同我講『挺直啲用你身體嘅曲線吸引啲人入嚟』。」
餐廳同日發聲明：涉事同事已停職及處分
涉事餐廳同日下午發出聲明，指「留意到最近社交媒體上有關有同事在工作期間，以及內部群組受到性騷擾言論。我們對此事非常關注，並對任何形式的性騷擾絕不容忍。經過內部調查後，涉事同事已停職及處分。」當中又提到「如果同事遇到任何不妥的情況，我們亦鼓勵同事即時向人事部或者管理層反映，管理層亦保證事件會公平處理。」
不過，女事主就在帖文下回覆「下冇人通知過我喎」，要求交代停職及處分的具體安排。事件已對女事主造成影響，但聲明對女事主權益隻字不提，「佢哋單方面停職咁對我嘅補償呢？ 我係咪應該得到一個道歉？」
網民呼籲向平機會投訴
事件公開後引來網民熱議，大批留言呼籲事主向平機會投訴，捍衛自己的權益，「就算公司話已處分，係公司既事，你都可以去平機會告呢個／呢班人」、「建議妳預備好supporting documents, 直接去平機會投訴。唔好姑息呢啲人」、「直接去平機會告佢性騷擾及性別歧視，跟住去埋勞工處以防有人無理解僱。」同時，留言區有不少網民分享自己在相關餐廳用餐的不愉快經歷。
事主之後再更新向網民求助，指有相關餐廳總經理及集團的人力資源部同事聯絡自己。有網民建議「唔好急住覆佢，諗清楚你自己想點先，係要一個道歉？賠償？」、「你記得要企硬！唔好俾佢凶兩凶就怯 家下理蝕嘅係佢地！」、「一定要保護自己，呢啲公司好大機會會希望你息事寧人。如果未 ready，可以直接同佢講你目前嘅狀態無辦法回應任何同呢件事相關嘅嘢，叫佢畀啲空間。」
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
