港人食糖水買1送1怒轟搵笨？食$48送$28平價糖水要求退款 餐廳咁回應
港人食糖水買1送1怒轟搵笨？日前一間餐廳推出糖水優惠「買1送1」，有食客幫襯後認為有關優惠疑似「搵笨」，直言自己叫了一款$48糖水，預料將送另一份同款糖水，惟餐廳卻送來另一款平價糖水，令其大感驚訝，並要求店家退款，事件在網上惹來爭議，網民意見兩極！
港人食糖水買1送1怒轟搵笨 食$48送另一款平價糖水要求退款
早前有港人透過Threads發帖，分享自己幫襯一間餐廳，當時店家正推出中式糖水「買一送一」優惠，但有關糖水在下單及上檯後，令其大為不滿，更怒斥店家推出有關優惠尤如「搵笨」，向店家喊話：「如果你哋睇到的話希望你哋可以退返錢俾我」。
▼事件經過▼
翻查涉事餐廳優惠資料，顯示店家早前在社交平台上發佈優惠消息，宣布推出「滋潤糖水堂食優惠」，有21款糖水隨意配搭買一送一，並列明「贈送之糖水為價格較低之糖水」。
帖文惹來大量討論，有不少網民認為樓主無理：「用番你個邏輯，你叫咗4碗都唔一樣既野，點樣買一送一？店員幫你做平果個免費，你執到啦，仲係度鬧人」、「而家好多買一送一、買三送一都係送其中最平嗰件，佢條款都有講明，都冇乜好嬲嘅」、「你話店家應該買28送一，買48送一，你咁諗即係今開2條數去諗，其實你係自己私下分左單咁計，另外你咁諗，亦冇理到嗰句限定：送價低糖水」。
▼網民留言▼
據樓主帖文指，他們一行三人合共叫了4款糖水，包括「開心果糊豆腐花」、「椰汁紫米露」、「陳皮紅豆沙」和「薑汁撞奶」，價錢分別為兩碗$48及兩碗$28，惟餐廳指按照規定仍然需要收取「兩碗$48」的款項，另外$28就無需付費，認為「有少少詐騙嘅成份」。不過對於樓主的看法，都有部分網民表示理解，認為「睇得出點解香港服務態度咁不思進取，作為消費者竟然會用條款維護商家，明明分單埋就可以解決個問題」、「我理解都係樓主個做法，一係佢寫明：買任何糖水，贈送$28糖水」。
有網民就中肯指出，「其實佢寫『買大送細』就符合佢嘅條款，只係marketing角度唔好聽唔吸引，而大部份香港人已經約定俗成知道香港嘅『買一送一』就係咁，而唔係照字面解釋買『兩件同樣貨品只收一件價錢』。」
餐廳回應平息爭拗：優惠改為糖水一律$10碗
網民們意見不斷，各人爭持不下。涉事餐廳事後透過社交平台回應事件指：「POS計得啱、同事又可以行多步、客人唔介意麻煩又可以分單，真係無限個可能搞到我都好亂。」又指「大家食碗糖水都係想開心啫，橫掂最後一日，就當小妹唔啱」，由當日起取消糖水買一送一，改為糖水一律$10碗，「一齊Happy Friday 食碗糖水潤一潤順返條氣」。
▼餐廳帖文回應▼
東北女來港6年「刷新三觀」力讚12大香港文化：港人真的好勵志
除了鄰近深圳、廣州等地的居民選擇來港生活外，連位於中國北邊的東北人亦對香港大感興趣。近日有一名自稱來自東北的內地女子，透過小紅書發文分享來港6年的感受，她以「作為一個北方人來香港生活刷新了三觀」為題，指自己在香港學到許多，同時吃了不少苦，但仍然熱愛香港，認為「我一直覺得這是一個能量充沛的城市，他給每個人機會，只要你肯奮鬥」。她於文中大讚12大香港文化，涵蓋職場、日常、家庭等各方面的看法，即睇詳情！
▼12大香港文化▼
她又補充，自己無意「踩高捧低」，只是講述一些其看到的及感受到的，「我很愛我的家鄉，我也很愛香港，家鄉養育了我，香港改變了我，我曾經以為我會在家鄉找一份安穩的工作混著度過一生」，但來到香港她表示忽然覺得：「我還可以努力，努力，再努力一點，我或許還可以收穫更多。」
有不少網民對樓主看法頗感認同，尤其是在工作方面，表示「香港老人真的停不下來... 有些是為錢，手停口停所以不能不工作...可是我認識的都說，是因為工作令他們覺得自己還有價值， 雖老但不會跟社會脫節」、「我眼見有幾位長輩未到六十歲便退休了，結果不到幾年就去了仙遊，相反仍在工作的長者一般都比較長壽」、「我老細夠有錢啦，身家上億，90歲仲日日返工」；至於教育方面，有家長認為香港比起成績，更注重課堂表現或操行。
▼網民留言▼
資料及圖片來源：小紅書
小紅書新移民湧香港做「炒散」賺現金
近年政府招攬人才，大力推動「高才通計劃」吸納世界各地的高端人才來港，而當中有九成五人士來自內地背景，均打算來港就業。不過，香港仍然有部分人士或者新移民未必完全具備高學歷、豐富工作經驗等條件，加上不善粵語、英語等，可以選擇的工種就更加少。最近小紅書上就頻頻湧現大量有關「香港兼職現金」、「香港炒散」、「香港現金出糧工作」等帖文內容，顯示有不少在港內地人士都在尋找賺取現金的工作。
根據小紅書網民分享的帖文內容，有人曾表示在香港找工作頗困難，而「兼職」、「炒散」等就相對容易，多數為「體力活」，工種涵蓋餐廳、酒樓、保安、倉務等，其中有人在餐廳打工，每日9小時包午餐，炒散3日準時下班，合計工資$3000，時薪超過$100；另外有人在酒樓夜更兼職，工作4小時$320，即時薪$80，大嘆「真的很累」。
▼小紅書現金出糧帖文▼
此外，有新移民則分享自己於本地髮型屋兼職的體驗，指自己不太懂講廣東話，但曾於內地髮型屋工作，並有幫客人洗頭的經驗，有幸獲得本地店老闆聘用，每日工作8.5小時，日薪合計$600。
另外，有關內地人來港做炒散的話題，亦在連登討論區引起討論。
▼連登討論區帖文▼
有港人留言質疑「一簽多行原來咁用」、「好多黑工」、「玩死香港就業市場」，又嘲弄道「香港人失業潮」；不過都有人指「人哋係有香港居民身份證先可以工作，黑乜工」、「好多去咗送外賣同步兵」、「食晒啲下欄位，都好嘅，橫掂本身都應該搵唔到人做」。
▼港人留言▼
資料及圖片來源：小紅書（帖一）、小紅書（帖二）、小紅書（帖三）、小紅書（帖四）、小紅書（帖五）、連登討論區
見工面試HR問斑馬係黑底白條？定白底黑條？
近日有招聘服務公司透過社交平台發帖，分享一則「職場搞笑時刻」，指有人力資源管理部門人員（HR）在面試時，向求職者作出靈魂拷問：「你覺得一隻斑馬係黑底白條，定白底黑條？」求職者最後如此回答，並且成功獲得Offer！
▼求職者回答▼
招聘服務公司：HR看重2大因素
對此，招聘服務公司表示，職場問答未必完全需要「標準答案」，最重要是讓對方留意到你的「創意」與「機智」。
網民直言：又學到嘢
帖文遭網民廣傳，除了Threads之外，亦在連登討論區等平台引起討論。有網民直言「學到嘢」、「用九唔搭八嘅答案回應九唔搭八嘅問題，即場諗到都幾勁」，不過都有網民認為有關問題欠缺「專業」水準，同時又認為求職者回答難以理解：「斑馬唔係攞嚟跑㗎，賽馬或馬賽我都聽過，邊有人賽斑馬？」
▼網民留言▼
ChatGPT：3種風格回答問題
另外，有網民就運用ChatGPT工具來解答上述的斑馬問題，指「如果我是求職者，我可能會結合幽默感和邏輯來回答，這樣既展現機智，又不會讓氣氛過於僵硬」。例子如下：
資料及圖片來源：連登討論區
會計文員失業3年轉職巴士司機 曝5大面試過程月入$2.7萬
早前有一名男網民於連登討論區發文，以「估唔到自己會做咗巴士佬」為題，大談自己由文職變全職九巴司機的過程。
他表示，本身在一家公司任職普通會計文員超過3年，無奈在2021年中旬受疫情影響，成為失業一族，及後2年內曾從事不同工種維生，如馬會投注站助理、機場停機坪司機、外賣員等，直至去年暑假其親人婆婆離世，「處理哂啲嘢之後，突然想考埋其他車牌（本身有1、2A、18A牌），但無錢」。
樓主分享5大巴士面試/培訓經歷
▼樓主加入九巴過程▼
直至現時，樓主任職差不多半年，剛完成半年試用期，感嘆「估唔到幾年前坐office嘅我，今日會做緊巴士佬」。同時又大曝九巴司機的人工福利，他指出，6天車長底薪$1.9萬左右，每加班1小時$118，「我自己依家一個月總共加班50個小時+賣兩日假，有$2.7萬左右」、「新人獎$1萬，每半年一期每期$5000，年尾老底雙糧」，家人亦可免費乘搭巴士，認為相當實在。
他又表示：「以前做office對一個老細，淨係搞掂佢一個就得，依家日日對幾百人，要搞掂哂咁多個人，不過我覺得揸車周圍去開心啲嘅」。
▼原帖▼
帖文引來大批網民討論，亦有人大讚樓主「能屈能伸」、「我都想告別office（辦公室）轉揸車」。不過，對於樓主每月加班50個小時，有網民就頗感擔心，「加班50個鐘，同大陸美團有咩分別」、「一陣搞壞身體得不償失喎」，籲樓主勿疲勞駕駛，注意休息，十分窩心。
▼網民留言▼
資料及圖片來源：連登討論區、HKET圖片庫
有料爆? 歡迎報料！U Lifestyle WhatsApp 報料專線: 9610 1996
港生活人氣本地熱話
【🎁免費送】HIZERO 輕量級F300潔地機！
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
