近年香港經濟不景，就連樓價也是跌不停，網上不時出現港人後悔買樓的帖文！早前討論區上，再有港人發文大吐苦水，指自己「2021年接咗個移民盤」，當時以1,200萬買下一個將軍澳單位作自住，沒想到買樓不到五年，現在同區樓價早已跌穿當年買入價，他感到十分懊悔：「足足無咗兩三球」！
港人後悔摸頂接移民盤：欲哭無淚
該港人在「香港討論區」上發文，他以「2021年接咗個移民盤，欲哭無淚」為標題，指自己在樓價最高位時入市買樓上車，當時他以1,200萬元購入日出康城一個單位。早前樓主查看同區樓價時，卻發現其成交價已低於當年買入價，「低幾層同一個單位只成交900零萬，足足無咗兩三球」，令他欲哭無淚...
▼按圖看完整事件▼
【原帖文】
網民留言安慰：自住唔怕蝕
帖文引起熱議，大批網民留言安慰他，「1日未賣樓，1日都未知賺與蝕，當租貴咗咪算咯」、「自住唔怕蝕」，但也有網民分析，指香港未來樓價只會跌不停，「日出康城有排跌，今年應該得番600萬」。留言中，有網民質疑樓主分明是輸打贏要，「係買貴左，但冇人可以預知未來，97年買嗰d都冇諗過會跌到03年價」、「你都多X餘，如果樓價呢幾年升咗，你係咪開心到升天」。
▼網民留言▼
樓主亦有留言回覆，表示自己很後悔當年在樓價最高位時買樓，「我都覺得自己無腦，仲要蠢到竟然樓市最高位接貨，所以先咁唔開心睇唔開」。雖然現時家裡有兩人為上班族，月入合共12萬，但他擔心會好景不常，「最慘正正係咁，高不成低不就夾係中間，心知如果被人炒咗，現在市況好難搵返同樣收入」。有網民建議樓主「再買多間囉，溝淡」，他回答自己也想「有錢溝貨」，但現在有錢也只能償還家人借出的買樓首期。
來源：香港討論區
女兒私下買樓被房署查出！婆婆慘被迫搬遷！
近日，有義工在連登討論區發文，指1名居住於300呎公屋單位的婆婆遭同住女兒連累，即將被迫搬出單位，樓主表示由於母女2人關係惡劣，去年女兒私自買樓未告知婆婆，結果被房署查到，現要求婆婆2月底搬出單位。
樓主為了婆婆能得到協助，更向不同媒體和區議員反應事件。
網民質疑存在瞞報
事件引來網民熱議，認為婆婆疑似瞞報公屋，因此不值得同情，「首先有潛在虛假陳述嘅問題，如果家庭成員申報過冇其他物業嘅話，個個俾人發現咗就話自己幾慘幾慘，咁咩樓都唔使收啦」、「個個買完都話自己唔知 俾屋人過左一棟跟住上新聞就可以留返間公屋」、「唔洗呀婆賠償已經好彩，規矩係咁你點賣慘都冇用，唔係呀婆就大曬，大把人慘過佢同更需要間屋」、「同阿女勢成水火，但買衫又照放你屋企？」、「1個人住300呎都唔算濫用公屋資源？」。
樓主反駁網民
樓主回應網民的質疑，表示自己只是「義工」，不知道對方身家，但婆婆生活十分樸素，沒有「賣慘」，因得知婆婆故事感到「心悒」，才會上網發文求助，「我次次上去都係見到佢食白粥，然後人哋送嘅湯包、冬菇 都係咁塞畀我，（婆婆是）自己都唔捨得食，走去送畀人嗰啲人……係今次得知呢單嘢有啲心悒ok？佢個女私下買物業，都係話呢間屋唔合乎資格，但佢老人家本身係合乎資格，冇啦啦趕人走，30幾年嘅嘢搬得去邊度」。
公屋富戶政策
擁有香港住宅物業的公屋住戶，不論其家庭入息或資產水平為何，均須遷離其公屋單位，須遷出公屋單位而有暫時住屋需要的住戶，可申請定期暫准居住證居住於該單位，為期不得超逾4個月。在暫居期間，須繳交相等於雙倍淨租金另加差餉或市值租金的暫准證費，以較高者為準。在4個月限期過後，有關租戶必須遷出，房屋署不會重新評估其資格。
▼原帖文▼
延伸閱讀：女兒私下買樓被房屋署查出！年邁母親慘被逼遷 300呎公屋不保！網民質疑存在瞞報？公屋富戶政策咁講...
網民苦呻90後係「最慘一代」買樓成最大困擾？
最近有網民透過連登討論區發帖，以「有冇人覺得90後係最慘嘅一代」為題，分享作為90後的心酸感受。樓主表示，香港在1997年回歸中國，自己由讀大學到出社會工作，及後打算儲錢買樓，期間歷經多個「震盪時期」，形容這一代人是「最慘一代」。
▼樓主訴心聲▼
80後網民訴心聲：「90後嘅慘都中晒，但老多幾年」
有關帖文獲得1435個讚好，逾百負評。有網民就認為80後才是最慘一代：「09、10年大專、大學畢業，冇最低工資人工低人一節，轉工又同班90後一樣人工，到而家差唔多30尾仲未買到樓」、「嗰陣年年加完人工都仲低過fresh grad，90後嘅慘都中晒，但老多幾年」、「你講曬我成個人生，最近再比公司通知3月開始減人工，兜兜轉轉10年人工好似冇乜變過咁，野就做多左，樓又無錢買，租金嚟緊應該又加，又要再搵地方搬」；亦有人直言「係香港出世只會一代慘過一代」、「想有小朋友但連自己都有種自顧不暇既感覺咁點會敢生」。
▼80後網民心聲▼
網民：時代「紅利」從來都無80後90後份？60後先係贏家
有關留言引來不少網民認同，並頗有共鳴。有人更認為，若論香港樓價及經濟，最容易「發達」的大多數為60後、70後，指「時代的『紅利』從來都無80後、90後份，身邊好多8、90後都係公屋或租租，有自己樓就係父幹，現時樓價返回17年，但無「父幹」又在2017年後買樓的人士其他都變成負資產，「好彩當初無借爆買，唔係隨時比銀行call（loan），而現（依）家亦都唔敢買」。
▼網民看法▼
部分90後持相反看法：反而覺得好幸運
雖然有不少網民認為80後及90後都是最慘，但仍然有部分人就持相反意見：
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】CheckCheckCin雙檸紙包米水！↓
↓ 潤喉、清肺化痰、生津止渴↓
↓【限時搶⚡】BHAWA香薰減壓滾珠精油系列！↓
↓ 天然成分｜幫您放鬆、緩解焦慮↓
