每每打開馬桶蓋都有如開盲盒，隨時遇著SS級大魔王，嚇親自己之餘，亦會不解何以有人如此無公德心。近日有網民在社交平台發文，指公司驚現如廁備忘錄，提醒同事3招如廁小貼士，以免阻塞去水。其中第2條引來網民熱議，有人好奇「點叫你痾個core出嚟 其餘等下一輪？」
公司驚現如廁備忘錄 列3招改善廁所淤塞
近日有網民在Threads上分享自己見到的匪夷所思公司通告，發文者形容「做野 20 年，最痴線嘅公司 memo」。點開圖片一看，見到12隻大字昭示「通告通知：廁所阻塞改善措施」，並列出3個方法避免出現馬桶淤塞情況。
通告稱由於近期出現馬桶污水渠淤塞，因此行政部發公告希望同事如廁時可以合作，減少廁所阻塞機會。
網民：點樣控制排泄量
帖文火速惹來網民熱議，其中第2點尤其值得商榷，網民好奇到底要如何控制排泄量「第一三其實都正常喇，第二個真係.....」、「恐怕你全公司都係括約肌同膀胱高手」、「點叫你痾個core出嚟 其餘等下一輪。」事出必有因，有網民指「好多人都唔知好多濕紙巾唔掉得落廁，只有少部份可以，朋友做通渠，9成都濕紙巾」，亦有人認為「有咁黐線嘅規則，就代表有一個黐線嘅故仔。」有人則提議為改善太多廁紙造成污水渠淤塞，「可以叫公司買日本廁板，用水洗」。
有眼利網民就發現「公司印」蓋章寫的是「呢單嘢唔係我跟開」，好奇告示是否惡搞，樓主解釋「唔洗懷疑，係創作部同事搞出黎的」、「笑下姐，睇個印就知出自極有創意同事手筆。」
帖文被轉載至討論區 有人揶揄：不如出入廁格簽到
相關帖文被轉載至香港討論區，並以「HR教同事三種方法痾完屎點沖廁！」為題轉發，樓主更大讚負責發通告的同事，「呢個HR 做得好呀，加人工啦！ 有心有腦為公司、為同事！」有網民趁機吐苦水，呻公司同事亂扔抹水紙，致污水倒灌，「啲人唔洗自己比錢，用嘢好大方。廁所塞，又有師傅整，無理你」，亦有人指公司有無公德心同事，「次次痾完都有屎漬，自己都唔注意下。」
有人則調侃以後面試可以問相關問題，「咁就唔怕入左職即刻塞屎渠」、「不如出入廁格要簽到，塞咗都容易揾到凶手。」
另一方面，亦有留言針對通告上列出的問題，逐一提出解決方法。有鬼馬網民則建議分批叫同事放假，以找出真兇。
▼原帖文▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】BHAWA香薰減壓滾珠精油系列！↓
↓ 天然成分｜幫您放鬆、緩解焦慮↓
【食在社群】請您食五星級酒店下午茶🍽！
↓免費享用五星級酒店下午茶↓
