友乜唔講得｜汪明荃爆曾被N次挖角零心郁 一個原因效力無綫53年從未想過跳槽
因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，本周日（9日）晚播出的第三集的嘉賓，是TVB鎮台之寶汪明荃！節目中，汪明荃親爆曾被N次挖角零心郁，只因一個原因效力無綫53年，從未想過跳槽！
友乜唔講得｜汪明荃嘉賓
予人感覺專業又嚴謹的阿姐，私下原來相當玩得，除了一出場就把玩身上的「荷花裝飾」，更與祥師兄鬥「食字」。談到阿姐，祥師兄三人讚不絕口，除大談與阿姐第一次見面的感受及經歷，又爭先分享阿姐如何提攜及照顧後輩。小惠與欣欣於1997年曾與阿姐合作綜藝節目《電視大贏家》，小惠大爆當年阿姐主動幫她們爭取靚衫：「係你幫我哋同服裝講，我哋三個要一樣咁靚！」又指阿姐出動私家髮型師幫她和欣欣梳頭，相當暖心，欣欣亦感嘆謂：「我哋真係好感謝阿姐。」
阿姐聞言即說：「好係大家架嘛，我哋要講團結！」阿姐又指當年與鄭少秋及林曉峰（阿Lo）一起主持綜藝節目時，已不斷叫監製給予阿Lo唱歌機會：「我嗰時成日要求監製畀佢唱啦，我話我可以同佢唱架，佢真係唱得好架…後尾佢喺內地紅咗，我幾戥佢開心呀。」欣欣席間又大爆阿姐當年如何一句化解「口花男」，萬勿錯過。
汪明荃被爆當年與福祿壽重現「四朵金花」時眼濕濕嚇窒全場
談到當年與阮兆祥、王祖藍、李思捷合作拍攝《荃加福祿壽》，阿姐坦言接拍前有猶豫：「佢哋話想要我帶一帶啲後生喎，我話我點帶呀，我唔係搞笑架喎，咁佢叫我一齊玩，我都當學吓嘢，試啲新嘢啦。」祥師兄即大讚阿姐勇於跳出自己框框嘗試不同造型，對此阿姐又再發揮專業本色謂：「每個人都要有啲貢獻架，我咪貢獻我所長咯！」
難忘昔日好拍檔沈殿霞轉數快：幾尷尬嘅場面佢都兜得翻
談到拍攝期間的難忘事，祥師兄指當年四人重現「四朵金花」經典時，看到阿姐眼濕濕煞是感觸，令眾人十分擔心，阿姐亦直指當時自己是「冇辦法錄落去」，阿姐說：「當時佢（祥師兄）好似肥姐，王祖藍又係好似（張德蘭），唱歌時嘅郁動又全部都一樣…」阿姐邊說邊不斷讚嘆昔日好拍檔肥姐實在「太叻」：「幾尷尬嘅場面佢都兜得翻，仲要喺片場打滾咗幾十年」，阿姐又笑言曾遭小時候的欣宜批評英文叻但「Not that fluent（唔夠流利）」，相當搞笑。
對挖角價零興趣：冇問過幾多錢，唔係錢嘅問題
四人又談到當年電視圈的挖角潮，對此阿姐坦言曾遇上幾次被挖角機會，第一個機會在拍畢劇集《家變》後已出現，但阿姐不但每次都不為所動，而且就連挖角價也從來沒有過問：「冇問過幾多錢，唔係錢嘅問題。我覺得一個人最緊要搵一個適合嘅環境，喺TVB只係做好自己工作就夠，唔使靠關係，又唔使搵角色，我覺得TVB啱我咯，而且公司都好錫我」，對公司有著深厚感情。
港生活人氣娛樂新聞
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【寵主請留步】《社群》送您AQUA PRO+TECH「寵物護理入門套裝」🛁！
