香港「粟米車」爆紅！平時粟米就食得多，但粟米在公路行駛你又見過未？近日有駕車市民留意到，公路上出現一條引人注目的巨型粟米，細看其實是一輛田螺車「變裝」而成，隨即成為全城焦點，目擊者直言「好大條粟米呀」！不少網民見狀力讚創意滿分：「一路行一路轉，係咪燒粟米」、「架車嘔出嚟全部都係栗米」？
巨型「粟米」公路行駛變焦點 一路行一路轉如燒粟米
周日（2月13日）有市民透過社交平台分享一組相片，指在駕駛期間發現公路竟有一條「巨型粟米」闖入視線，而且外表逼真，瞬間大搶市民眼球，目擊者不禁直呼：「好大條粟米呀」！
從相中可見，該條「巨型粟米」原形是一輛田螺車，該「田螺」位置疑被換上一件「粟米外套」，望落去猶如真實的金黃粟米般，粒粒分明之餘，連帶綠色外皮，既鬼馬又養眼，引人注目。
▼目擊者分享相片▼
目擊網民：原來唔止一條粟米！
不少網民笑指好逼真，大讚趣味十足，部分人更表示曾經都遇到過該條「粟米」：「之前我都有影過佢，真心正」、「原來唔止一條」。
▼網民分享▼
網民：架車嘔出嚟全部都係栗米？
原條粟米周圍行，不少網民直呼好有趣，「好得意」、「咁佢呢架車嘔出嚟全部都係栗米？」、「好cute吖，一路行一路轉，係咪燒粟米？」、「平時見到通常係成舊泥嘅芋頭，而家呢條黃粟真心靚仔」 、「應該變咗爆谷」，直言創意100分，見到都覺得開心！
▼網民留言▼
網民的分享引來司機留言回應，更風趣地上傳一張「司機位視覺」予網民大飽眼福，有人踴躍留言問「尋日見到部綠色西瓜皮，係咪你老友」、「粟粟好」、「師傅幾時黎我個地盤落石屎」。大家又曾否見過呢？
資料及圖片來源：Facebook@車cam L（香港群組）
垃圾車掛棄養公仔！網民憶起《Toy Story》讚車長：讓公仔走得更遠
近日有市民發現街上一輛普通的垃圾車，除了為社區收集垃圾或進行環境清潔外，亦藏著令人暖心的一面。
根據網民上傳的相片可見，該輛黃色的垃圾車的車身中央位置，有逾10隻毛公仔排排「掛」在橫樑上，當中包括有米奇老鼠、小熊維尼、史迪仔等卡通人物，部分外表殘舊兼略帶骯髒。該車隸屬環宇清潔服務公司。
連樓主都不禁留言指「雖然呢期興Inside Out（玩轉腦朋友），但Toy Story（反斗奇兵）的影響力仍然是深入民心」。《Toy Story》至今流行逾20年，講述一班玩具與主人安仔之間的故事，以及玩具老友的經歷闖盪。
▼《Toy Story》劇照▼
今次這堆被垃圾車收藏的公仔們，就令人覺得猶如現實版《Toy Story》。有網民對此感到惋惜，認為「呢啲公仔應該已經被丢棄，（估計）司機不忍心就繼續帶他們遊車河」，直言不少人長大後已失去童真，覺得司機此舉「好sweet」，讓公仔走得更遠更耐。
▼網民留言▼
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】BYO自助烘焙「我係熊啤啤」自助烘焙體驗！↓
↓ 三重朱古力蛋糕三文治｜玩得又食得↓
↓ 【U Jetso】亞洲素食展2025電子門票🌱！↓
↓ 逾6,000種最新素食+素生活產品💚逾80場精彩活動😍！ ↓
