前《東張西望》主持容羨媛在去年9月離開效力16年的TVB，一家人決定移民加拿大溫哥華生活。容羨媛至今已移民當地生活有3個月，現時住在華人社區，她坦言沒有對香港太不捨，不過唯一不捨的是她老公。日前她就在YouTube拍片分享，哽咽自爆憂婚變！
容羨媛移加憂婚變「黑暗的三個月」
容羨媛移民加拿大後不時都在社交平台分享生活，而在最近一條片中她就總結了過去三個月的生活，更哽咽表示是「黑暗的三個月」。她留言：「究竟發生了甚麼事令我經歷黑暗的三個月？呢三個月最後又點樣捱過？看到最尾記得攞定紙巾！ 希望呢條片能夠獻給轉變中嘅你，我做到，你都做得到。」
容羨媛在片中表示，在過去的三個月，她的老公未有在加拿大生活。原來她老公因工作關係，在移民頭三個月都仍在香港，留下她獨力照顧兩名子女。容羨媛說：「有朋友發現我老公一直唔喺我身邊，問我老公去咗邊？其實因為我老公喺香港有工作未完成，所以一路都未嚟到加拿大，所以頭三個月都係得我自己一個人湊仔女。小朋友每日8點45分先返學，所以我每朝7點半起身煮飯畀佢哋，送完佢哋返學，我就去買餸，跟住返到屋企開始做家務，做完家務食少少嘢，差唔多時間去接放學。」
容羨媛又指佩服自己要獨力照顧一對仔女的情況下，仍能身兼多職：「同一時間我仲要去學車，搵咗啲part time，我覺得自己真係好犀利，喺冇老公、冇工人姐姐嘅情況下，做咗咁多嘢。」
與老公異地戀擔心情變
之後容羨媛想起與老公三個月無見，便哽咽說：「咁耐嚟我哋都未試分隔兩地，以前細個拍拖都未試過LD（Long Distance），估唔到結咗婚會LD…喺感情上，你係唔知道我老公喺香港會唔會攪攪震？我就話好忙啫，你唔知佢喺香港係點喎，老婆同仔女都唔喺身邊，一定係周圍去玩，夜夜笙歌，唔知佢返到嚟，我哋感情有冇變？或者會變得好唔好同？」
而三個月過去，容羨媛終於見番老公，表示：「我哋嘅感情係冇變，我哋相遇嗰一刻係非常之感人。好開心佢而家已經喺我身邊，跟住我哋會一齊喺加拿大生活。」
圖片：容羨媛IG
原文：U Travel
」，
App內睇文同睇片可隨時捕捉U Fun彩蛋，
換領現金券及禮品！
↓【請您飲】日照夜霧蘋果玉桂蜂蜜酒200支😋！↓
↓【限時搶⚡】小牧味屋酒鬼花生↓
↓ 原味、麻辣味｜睇波、煲劇、聚會必備↓
