去年7月，一名六旬劉姓港婦在韓國濟州島旅行期間，亂影相打卡惹禍上身！劉太在韓式桑拿汗蒸幕設施內拍照，意外拍到他人裸體而被捕滯留當地。事隔8個月後，劉太繳納近11萬港元罰款後日前終於返港。她的丈夫劉先生和朋友在機場接她，電視節目《東張西望》亦在場拍攝。然而，劉生和劉太的言論被批評缺乏悔意，引起網民不滿，認為這對夫婦不值得同情。
六旬婦濟洲汗蒸幕影相
而在今年2月12日當日，事件終於終結，當天是劉太最後一日上庭，最後她因電話攝影罪，被南韓法庭罰款約二千萬韓圜，接近11萬港元。
滯留8個月後返港
日前《東張西望》直擊全程劉先生與劉太的好姊妹到機場接機的過程，劉太見到好姊妹立即相擁，心情激動，直指身心俱疲，「返到嚟緊香港係開心，而家好激動，心情已經開心咗好多，掛住朋友同老公」。而老公劉先生直言見到太太都好激動，不過因為他是男子漢所以強忍淚水。
劉生被罰款11萬港元呻無辜
被主持問到心情如何，劉生指：「起碼安全返嚟，開心啲啦。心情放開晒。」劉太就指有少少大石未放開，因為要還債。劉生就表示錢搵得返：「因為咁無錢真係無辜，幾十萬喎（11萬港元罰款連同滯留期間洗費），都唔知咩嘢嚟，影幅相啫！」
網友斥無悔意唔抵幫
不少網友睇完《東張西望》劉生及劉太的言談內容，就指兩人罰完錢都無悔意，直言呢對夫婦唔抵幫！
圖片：《東張西望》影片截圖
劉先生報料指，妻子跟友人7月隨團到韓國濟州旅行，並到其中一個景點做汗蒸幕，她不知道做汗蒸幕不准拍照，一時興奮拍照「打卡」，結果有當地人報案指她拍到自己，她在7月7日12時被帶到警署和扣留3天，9日團友均坐飛機回港，獨留她一人在韓國，後來警方讓旅行社經理接她離開，叫她再等通知檢控。
劉太一等就等了近3個月，期間一直滯留濟州，他們曾向入境處求助，當地亦有組織協助跟進事件，對方指被拍到的3名事主要求和解金合共1,500萬韓圜，折合約8萬港元。劉先生匯錢前致電太太，劉太卻指付錢後仍要被檢控，形容事件不會結束，她解釋對方換上「協議金」的名義，而並非「和解金」。
滯留3個月無歸期
事件拖延近3個月，劉先生和太太為此身心疲倦，太太住酒店亦花費不少，現已花去數萬元，要向財務公司借錢，劉先生苦言「唔掂呀真係，而家仲畀人勒索金錢。韓國食物我哋唔係食慣，佢有糖尿病，一冇藥食就瞓低，係呢2個月託旅行社送畀佢，如果冇藥佢都死得，佢8月尾覆診都冇得去。所以呢單嘢真係好離譜，你冇理由咁，你告咪告佢，咩3個月、咩司法，你有日期畀人哋上堂呀嘛，你咪拖延佢，唔畀佢返香港」。
節目主持即場致電劉太，她稱有帶長袖衣物，惟以辣為主的食物不合胃口，她又無法跟當地人溝通，形容每天「冇嘢做」、「日日喺度等」，早上買杯麵和麵包吃，晚上去吃飯時就去逛逛。
來源：TVB、UHK
原文：U Travel - 濟洲汗蒸幕影相婦滯留8個月後返港 罰款12萬港元呻無辜：影幅相啫！
相關文章：
」，
App內睇文同睇片可隨時捕捉U Fun彩蛋，
換領現金券及禮品！
↓【主子請慢用🙇】送您喵星人dah「好物試用組合」！↓
↓【限時搶⚡】小牧味屋酒鬼花生↓
↓ 原味、麻辣味｜睇波、煲劇、聚會必備↓
