政府工程師因凍薪稱失望決辭職！2原因狠批無前途遭網民圍轟︰你唔做大把人做！

文: 劉澄儀

9小時前

用 App 睇文

自《財政預算案》宣布全體公務員凍薪後，引來不少爭議。最近，1名自稱政府工程師的港男發文大呻「對凍薪好失望」，並因而決定辭職，到私人市場繼續發展。帖文很快引來眾多網民熱議，大批網民圍轟樓主「唔識諗」，指「你唔做大把人做！」，即睇下文了解事件詳細！

政府工程師因凍薪稱失望決辭職

在《財政預算案》宣布全體公務員凍薪後，近日，1名自稱政府工程師的港男以「因為凍薪，決定離開公務員團隊」為題在連登討論區發文，表示「對凍薪好失望」，聲稱「私人市場比政府更好」決心辭職。

點擊圖片放大

網民圍轟︰你唔做大把人做！

帖文引來大批網民討論，眾多網民圍轟樓主「唔識諗」，「凍薪啫，仲有Point跳喎」、「中電開到政府個價先講啦」、「你知唔知出邊啲工究竟係跟邊個加人工？」、「每年保證加5%？工作量？ OT？」和「工程私人無可能好過政府」。

點擊圖片放大

亦有人諷刺樓主指「你唔做大把人做」、「咪去囉，嗱嗱臨畀返個位出嚟」和「政府多謝你自願離職都來唔切, 咁又慳多份糧」，亦有人質疑樓主是否真的公務員「比張相睇下係唔係真先啦」。

點擊圖片放大

政府高級工程師薪酬與中電相差近4倍

經翻查資料，目前政府高級工程師的薪酬為公務員總薪級表第45至49點，不連福利為月薪$127,700至$147,125，而政府工程師月薪為$77,855至$119,650，政府助理工程師薪酬為$42,640至$61,865。

點擊圖片放大

根據求職資訊網Glassdoor的資料，中電各級工程師不連福利的月薪為$27,000至$57,000，當中高級工程師（Engineer II）不連福利的月薪可達$53,000，與政府高級工程師的薪酬相差數倍。

求職資訊網站Glassdoor顯示的中電各級工程師的基本月薪（網站截圖，來源︰Glassdoor）。

點擊圖片放大

根據CTgoodjobs資料顯示，現時香港高級工程師平均薪酬約為$20,000至$80,000，薪酬中位數為$39,000。政府助理工程師起薪點已高於香港高級工程師薪酬中位數。

點擊圖片放大

▼原帖文▼

點擊圖片放大

來源︰lihkg, 公務員總薪級表, Glassdoor, CTgoodjobs,

財政預算案2025｜預言成真？政府工唔再係鐵飯碗...

事實上，早在發表財政預算案前，網上一直流傳政府工未來很大可能會削減人手。上周一（17日）有港人於香港討論區發帖，他以「政府工仲係唔係鐵飯碗？黎緊係未會cut人手？」為標題詢問各大網友看法。

帖文引起熱議，當時有人認為此想法實在太杞人憂天，並表示「唔可能咁快真正落實到」、「會cut外判同非公務員合約果班人」。但也有很多網友贊同樓主說法，指早在董建華年代已出現類似狀況，「董生年代都曾經凍結招聘5年」，又認為來年的確很大機會縮減公務員編制人員數，並將其工作交由外判、合約員工。

▼網友留言▼

點擊圖片放大

財政預算案2025｜港人因凍薪而決定辭職？

昨日公務員凍薪消息一出，再次在網上引起熱議，有擔任工程師公務員職位的網友表示很失望，他以「因為凍薪，決定離開公務員團隊」為題發文，指早前收到私人公司Offer，對方更向他保證「有14 15個月糧，每年保證加5%」。

原本該網友還在考慮中，但現在他果斷決定要辭職，並直言「現在不用考慮了，離開呢個無前途既政府崗位更好過」。留言中，不少人都支持他的決定，「我係公務員，今日都遞咗信，凍薪真係好侮辱」、「有更好offer走係理所當然」。但有網民指出「工程私人無可能好過政府」、「保證加5%？工作量？OT？」、「琴日先講凍薪今日就有offer」，紛紛質疑該帖文的真實性。