近年愈來愈多藝人經營社交平台，「潮而不老」的馮素波（波姐）亦不例外，除了在IG不停po生活日常照，她更開設網上節目《貼地嫲嫲馮素波》，邀請不同藝人做嘉賓接受訪問。早前波姐邀請了合作無數、曾在TVB神劇《溏心風暴》中飾演母子的李思捷接受訪談，除了分享其入行辛酸史，李思捷大爆現在TVB新一代藝人好富貴，停車場泊滿靚車？
TVB新一代藝人好富貴 停車場泊滿靚車？
節目中，馮素波就提到娛樂圈入行最好有家底支持，「做呢行最好係有錢，唔洗擔心屋企」，李思捷贊同波姐講法，並透露現在TVB有不少年輕藝人都是有家底，經常會揸靚車返工？
李思捷認為TVB新一代藝人好富貴，現在TVB 2樓藝人停車場幾乎都是靚車，無論是剛入行20歲左右的藝人或PA（即 助理編導）都會揸靚車返工，難怪他也表示「呢個電視台你冇返咁上下錢都未必捱得到」。波姐則想起過去曾被不少人問到「做無綫電視啲人好有錢」，當年關菊英移加回流後亦曾指住前面部車問她：「呢個係咩人？揸架車好靚！」可見TVB有不少藝人好富貴，很多都有家底支持。
李思捷初入行時全身得返廿幾蚊？
波姐坦言自己從來都是搭公司車返工，並開玩笑道「最窮係我啦」，這句話卻令李思捷回想起26、27歲初入行時，當時他全身只剩下數十元，每日過住超慳錢生活？
雖然李思捷當時有一張附屬卡，但他無奈道「你唔通去canteen碌卡食飯咩？」，又強調自己不可能在沒有工作情況下，每日大魚大肉碌卡食飯，當年他每晚都是到樓下茶餐廳食「16蚊一個餐」。同時，他透露當時與家姐同住170呎單位，自己更是瞓梳化，並不是媒體報導住價值3千萬大單位。
李思捷自認買呢樣嘢最戇居？
李思捷在事業上軌道後，曾買過不少東西獎勵自己，但他卻認為買呢樣最戇居？
節目中，波姐想起很多年前見到李思捷手上戴靚錶，但李思捷坦言自己只有一隻名錶，當時差不多30歲搵到人生中第一個10萬，於是買咗隻名錶獎勵自己。雖然波姐認為太過奢侈，又指當時每個後生仔都有一份虛榮心，但李思捷則認為係一份鼓勵，又指自己十幾年前都好鍾意買車，買車後卻因為出街食飯時會「飲兩杯」，所以一直沒機會揸出街，難怪他也開玩笑道「其實都幾戇居」。
」，
App內睇文同睇片可隨時捕捉U Fun彩蛋，
換領現金券及禮品！
【請您去旅行✈️🌎】
↓登記領取HK$1,500 旅遊資助金💰！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
