醫院文員惡唔惡做？醫療行業是香港重要的專業行業之一，除了醫生、護士、看護等，由行政至病房文員都貢獻不少。不過，最近有港人就分享做病房文員3年的經歷，一度苦呻該職位屬「最低賤」崗位，除了人工一般，更需要應付各個持份者，猶如「隨傳隨到」，直至現時只為了1個原因堅持，然而有關想法無奈亦出現變化，直言「係咪時候為自己搵條出路」？
醫院病房文員有4個難頂位？任職3年員工慘呻「最低賤」崗位
近日一名網民透過連登討論區發文，分享在醫院病房任職三年文員的心聲，當中提及自己每日都需要在高壓的環境下工作，而且「成日俾人當跑腿咁使喚」、「全部都當我係隨傳隨到嘅人」，形容是「最低賤」崗位。內文開首就指出，「如果你以為醫院嘅病房文員係輕鬆寫字樓工，咁你可能要重新諗過」，即睇樓主點講！
▼人手不足▼
▼人工平、被當跑腿使喚▼
▼工作量龐大▼
樓主於文中感嘆：「有時我都會問自己，點解仲要堅持？可能係因為我覺得自己仲有責任感，唔想病房因為冇文員而亂晒龍。」不過，他續指這份工作的壓力及環境，慢慢開始動搖他的初衷，直言有時會不禁想：「係咪時候為自己搵條出路？」引發網民討論。
有人留言為樓主打氣：「辛苦哂，一直覺得病房文員好惡做」、「叫文員根本係FAKE人入去，庶務員就差唔多」。然而對於工作壓力，有網民就認為心態最重要，「打份工啫，做唔切咪做唔切」、「唔好將自己睇得咁重要，冇咗你一樣會請到下一個人取代你」。另有醫護人員留言：「做得嘢嘅文員好緊要，出院book嘢叫醫生全部都幫到手」、「雖然啲嘢真係好濕星，但係始終要有人做」，表示非常感謝文員的付出。
▼網民留言▼
至於人工方面，樓主雖然沒有透露金額，但表示每年都有增幅，「每年淨係加2.5%，以前好似就三年可以升EA2，而家就好似改咗兩年」，而目前自己為EA2位；工作內容方面，他補充「基本上護士唔做嘅嘢，就係我做，例如訂貨，出維修（等）」。
醫院病房文員招聘要求+薪金前景
翻查資料，醫院管理局的文員職系（HA）崗位大致分為初級文員、二級文員、一級文員及行政助理，文員薪金介乎$16,135至$47,010，行政助理則更豐厚。
▼醫院病房文員薪金▼
▼醫院病房文員工作內容（大致）▼
*上述內容僅為網民分享的個別情況，不代表所有醫院病房文員看法，僅作參考。
資料及圖片來源：連登討論區、醫管局官網
」，
App內睇文同睇片可隨時捕捉U Fun彩蛋，
換領現金券及禮品！
【請您睇戲🎞️】《魔域女巫》優先場！
【浪漫旅人祭🌸】登記贏禮品！
↓大派旅遊資助金💰 x 實用旅遊禮品✈️↓
