鄧麗欣紅館演唱會2025｜第三場嘉賓「細佬」魏浚笙Jeffrey 兩度合演姊弟合唱《好好戀愛》
鄧麗欣（Stephy）一連3場首個紅館演唱會「STEP by STEPHY 鄧麗欣紅館演唱會2025」，昨晚(16日)圓滿落幕，全場爆滿，盧慧敏（Amy Lo）、樂隊Nowhere Boys主音Van與太太Wendy、譚俊彥等捧場。尾場嘉賓打孖上，除了嘉賓環節有兩度飾演Stephy「細佬」的型男魏浚笙（Jeffrey）合唱情歌。Encore更有大彩蛋，Cookies相隔13年驚喜合體，全場大合唱《心急人上》、《Forever Friends》掀回憶殺。
第三場嘉賓「細佬」魏浚笙Jeffrey
昨晚，Stephy穿上Wang Feng SS25 couture 紅色閃閃大露背長裙，演唱《十分愛》後介紹表演嘉賓Jeffrey出場，二人合唱《好好戀愛》後擁抱。因為他們曾合作兩部電影都是演姊弟，所以「家姐」 「細佬」相稱。Jeffrey送她一張咭，說：「知道家姐好鍾意畫畫，所以我就花咗啲心思，畫幅畫送俾你。」他畫了一個大眼睛、長髮，疑似Stephy的可愛女仔，畫風清純。
兩度合演姊弟合唱《好好戀愛》
Stephy笑說：「我當你家人，之前唱《十分愛》避開你眼神，加埋今次唱《好好戀愛》，有啲亂倫嘅感覺，我當你係細佬。」觀眾爆笑。Jeffrey說：「我都係當你家姐！」又笑言在台上結拜。又賣口乖讚Stephy「真人靚過上鏡」。Stephy讚他：「邊度有人又有禮貌又咁靚仔架？」Jeffrey一臉靦腆，非常可愛。然後他獨唱新歌《孤獨美食家》。
鄧麗欣第二場紅館演唱會表演嘉賓
Stephy邀請曾合作電影《我談的那場戀愛》的張天賦（MC）擔任表演嘉賓，二人合唱《好心好報》，更完美還原電影中Stephy替MC打領帶調情戲，MC害羞得一秒耳紅，非常搞笑。
MC張天賦一秒耳紅口窒窒
穿著白色Phan Huy SS25 高定 的Stephy與白馬王子look的MC，非常相襯。Stephy笑指MC耳仔發紅，MC說：「其實我好緊張，因為好少同你咁近距離，上次係拍戲打呔嗰陣，所以依家都有啲餘韻，好緊張！」他坦言綵排時見到Stephy高跟鞋好高，令他不敢靠近。
還原打領帶調情戲
Stephy對他說：「其實拍戲先至真正認識你，之前只係聽過你啲歌，知你唱歌好好聽⋯⋯」MC插咀：「我好早認識你！」Stephy無奈一笑。他說：「我每次演出最緊張係記歌詞，有時要靠提詞機，但今次合唱呢首歌我唔擔心，因為啲歌詞我好熟，我好自信可以望住你唱。」
Stephy說：「唉，你講啦，細細個去唱K成日唱吖嘛，我畀你講，無所謂！」MC不客氣，表示今次與Stephy合唱成就解鎖，完成兒時夢想，全場笑聲。
Stephy禮尚往來，送上領帶答謝他做嘉賓，更二話不說即場替他戴上，兩人非常靠近，幾乎面貼面，MC立即緊張到口窒窒，正當Stephy讚他沒有面紅時，他一秒耳紅。Stephy退場後，他不停用手撥風為耳朵降溫，說：「真係唔呃人，我一尷尬就耳仔紅。」然後演唱新歌《說謊者》。
唱《Fantasy Tale》全場興奮
演唱會尾聲，Stephy換上英國設計師品牌Simone Rocha SS25秀款演唱《Fantasy Tale》，觀眾都興奮站起來跳舞，氣氛熱鬧。她透露演唱會期間，大銀幕展示的畫，是她特別為今次演唱會而畫。
堅持畫畫增添視覺享受
她說：「雖然準備演唱會好忙，但我堅持畫畫，因為除咗唱歌跳舞表演之外，希望視覺上都加入自己嘅心思。可能只有我自己明白，例如創作期間嘅思考，都可以注入一啲神秘嘅力量，融入演唱會。」
.
完場後歌迷不肯散場，熱情大嗌encore，寵粉的Stephy再出場唱《最後一塊》後，與樂手向觀眾謝幕，第二晚演唱會完滿結束。
港生活人氣娛樂新聞
【請您去旅行✈️🌎】
↓登記領取HK$1,500 旅遊資助金💰！↓
↓【限時搶⚡】La Maison du Chocolat 冰雪朱古力禮盒↓
↓香脆朱古力外層｜配上軟滑朱古力慕斯↓
