奪命提示｜郭柏妍丁子朗極親密相擁場口曝光 因一心理恐懼事前接受「聽子彈聲」特訓
女神形象見稱的TVB小花郭柏妍（Rosita）近日在劇集《奪命提示》轉型打女，這次挑戰難度十級跳的高強度動作場口，除了基本打鬥及逃亡場口，Rosita的型格開槍場口同樣備受注目，不但姿勢十足十，就連狠冷的表情亦做到足。
郭柏妍首次動用真槍拍攝
郭柏妍透露自己是首次動用真槍拍攝，而且盡量親身上陣：「希望可以突破一直以嚟嘅乖乖女形象。」談到動用真槍拍攝，郭柏妍接受訪問時坦言起初正式埋位時嚇到一度彈走，並謂事前有刻意進行「持續聽槍聲」特訓，她說：「今次算係我第一套真正要打嘅動作戲，所以拍之前我都好緊張，特登有去做多啲運動同拉多啲筋，希望可以應付到。」
郭柏妍事前接受「聽子彈聲」特訓
郭柏妍續稱：「監製都有安排我哋上動作指導堂，幫我哋打定底。因為係第一次開真槍，所以都好難忘。因為我由細到大都好怕槍擊戲或者子彈聲，所以我事前有喺屋企不停聽呢啲子彈同嘭嘭聲，等自己冇咁驚，因為我估自己睇戲都已經咁驚，到現實（真係聽到）可能會更驚，所以希望預早聽定多啲適應。
對於今次首次開真槍嚇到彈開，郭柏妍直言：「我驚嘅程度係會成個彈起同埋調頭走，我記得第一次拍開真槍戲時，我真係開完就即刻彈走咗，好彩嘗試咗幾次都叫做克服咗個難關，我都估唔到自己可以克服到。」
港生活人氣娛樂新聞
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
