虛擬情人｜47歲楊卓娜學跳鋼管舞勁專業 上堂片段曝光有板有眼
TVB新劇《虛擬情人》劇中人氣高企的Adam（朱敏瀚飾）有三大鐵粉，其中一位是由近期演技屢獲好評的楊卓娜飾演的Audrey；Audrey因為Pole Dance結識了丈夫Norman（黃子雄飾），可惜亦同樣因為Pole Dance與丈夫之間的罅隙愈來愈大，Adam的出現最終對二人的夫妻關係有著極重要的影響…
47歲楊卓娜為做好角色學跳Pole Dance勁專業
要飾演Audrey，自然避不了有跳Pole Dance鏡頭，為了拍攝效果，現年47歲的楊卓娜（娜姐）專誠走去學Pole Dance。早前，無綫官方社交網釋出了娜姐學跳Pole Dance片段；片段所見，擁有修長美腿的娜姐除了弗到漏油、整體動作極有女人味之餘，手持鋼管做出轉圈提腿等動作亦是遊刃有餘、相當有美感。
上堂片段曝光有板有眼
談到在劇中狀態大勇，楊卓娜笑言當年由於同時拍攝《虛擬》及《奪命提示》，故一度迷失於增肥及減肥之間，相當搞笑。楊卓娜：「呢兩套劇差唔多搭住去拍，我當時都唔知減肥定增肥好。因為Pole Dance角色要弗之餘，塊面唔可以瘦，因為個角色應該係要靚嘅，但《奪命》個角色又要好殘喎，當時真係好掙扎點兼顧兩個角色。」
楊卓娜續指亦因為兩個角色「撞到應」，故在《虛擬》中是戴假髮上陣：「因為《奪命》嗰邊啲頭髮要好乾、好殘、好霉、好爛，所以嗰段時間精神狀態都好奇怪，因為兩個角色好南轅北轍。」
港生活人氣娛樂新聞
全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【限時搶⚡】勁送Neoflam不鏽鋼食物保鮮盒↓
↓密封防漏及分隔式設計｜耐用又環保 ↓
