中年好聲音3｜冠軍黃博猛料背景大公開！曾為電影幕後配唱因外表不敢踏出幕前
TVB中年歌手選秀節目《中年好聲音》每年都會發掘不少唱得之人，而節目來到第三季，就有「大魔王」選手黃博，先後憑高水準演唱一鳴驚人，終於成為今屆冠軍！但原來呢位實力強勁的黃博，亦曾因欠缺自信，只敢擔任幕後工作，今日就帶大家了解更多不為人知的黃博！
曾做電影幕後配唱
在起初的自我介紹時，黃博就已經透露自己做過電影幕後配唱，當時的面試階段演唱《Ain’t No Sunshine》，亦獲得節目組一致認同是今季大熱選手。不過節目主持車婉綩曾透露黃博因為對自己外表欠缺自信，所以一直不敢踏出幕前，只能在擔任幕後工作，「人生36年來做過好多好勁嘅企業，為嘅就係可以在她喜歡的表演行業入面。」
22歲參加《快樂女聲》
黃博曾於2011年參加湖南衛視的《快樂女聲》，當時22歲的黃博在西安賽區止步於十強，最終未能晉級。有部分觀眾認為她的外型和自信心不足，影響她在的舞台上的表現，賽後她曾一度對幕前工作失去信心。但她亦曾在中國傳媒大學的歌唱比賽中獲得亞軍，可見黃博擁有一定的歌唱實力。
「女大魔王」黃博海豚式飆高音
黃博曾選歌《我歌故我在》作賽，無論是海豚式飆高音唱功、真假音及高低音的切換均遊刃有餘，唱出驚人新高度！不但吸引五位評審極速撳燈，還吸引全場掌聲及歡呼聲，評審張佳添投入大叫：「Bravo！未聽過人翻唱呢首歌係成功，亦未見過人夠膽攞呢首歌嚟參加比賽，仲唱得好好聽。」
唱《這一個夜》破紀錄奪99分
身為「大魔王」的黃博，12強晉身10強競賽中獻唱林子祥的《這一個夜》，勇奪99分近乎完美分數，再次締造《中年好聲音3》的分數記錄，獲得評審全數20分的紀錄，僅得周國豐一人給予19分。而原唱林子祥給黃博極高評價，指她的喉音運用十分優秀，還公開邀她將來同台合唱。
黃博輕鬆駕馭高難度《蜚蜚》
在9強之戰中黃博台上透露不太敢挑戰《蜚蜚》，皆因擔心自己做得不夠好；不過由於獻唱時游刃有餘、歌聲亦極富感染力，結果獲得一面倒好評，超過一位評審認為要扣黃博分數難到不得了，肥媽更笑言不容許黃博以後唱她的歌：「你知唔知你唱人哋嘅歌，人哋有壓力架。你係好投入、好享受你嘅歌，你好有自己。你以後唔好唱我嘅歌呀，唔係偷鬼咗我嘅歌！」
黃博令森美感動至眼泛淚光
在「聲夢合唱」回合自封表演是「輕飄飄的歌劇」的黃博及Felix，一開場便各自以超靚聲大玩和音，噱頭十足，Felix出賽前更直指希望可以為「高分王」黃博爭取首個100分。對於二人演出，森美一度被觸動至眼泛淚光，他給予評語時說：「你第一句嘅時候我眼淚爭啲流喇」，至於肥媽亦肯定了二人的靚聲度：「兩個獨自把聲係好靚嘅。」
港生活人氣娛樂新聞
↓【招募試食員🐱】送Harlow Blend全新貓糧系列！↓
↓【限時搶⚡】勁送Neoflam不鏽鋼食物保鮮盒↓
↓密封防漏及分隔式設計｜耐用又環保 ↓
