造型師爆料當紅男歌手溝靚女化妝師 兩大線索揭真身！驚揭出事後果：「黃花閨女嚟」
TVB Plus（82台）全新直播一小時節目《奇情谷》由導演火火、吳若希（Jinny ）及曾展望（GM）三位主持，昨晚（13日）主題「娛圈爆料 名媛班」有資深造型師大爆料，不點名爆當紅男歌手溝17歲靚女化妝師，更公開真身的兩大線索。造型師直言早已警醒該男歌手，惟最後仍「出事」。
造型師Janae一招拆解男星溝靚女化妝師
昨晚（13日）主題「娛圈爆料 名媛班」，「奇情嘉賓」資深造型師陳灝而（Janae），她創辦的「全方位擔當」公司，由化妝、髮型、服裝、教擺甫士均全方位包辦。Janae在娛圈打滾多年，見證不少藝人跟造型師拍拖。她透露多年前身邊有位17、18歲靚女小助手，替一位差不多年紀男偶像歌手做化妝，她說︰「嗰時個男仔已經好出名，好多女仔鍾意。當時我已經同佢講，唔好打我小助手主意喎，人哋黃花閨女嚟㗎，可能我講咗呢句話先仲衰。」
接住Janae便發現二人開始眉來眼去，再過一段日子小助手經常以淚洗面，經驗豐富的Janae便知出事，溝女搞到對方辭職同轉行，她說︰「最後小助手辭職無做，好可惜。」自此之後Janae明令以後跟男藝人的化妝師，必須要30歲以上，已婚生仔獲優先考慮。
「甜心經濟」香港成Sugar Daddy天堂
另外，節目中提到在生活成本高的城市，「甜心經濟」發展迅速。所謂「甜心經濟」即是成熟又有錢的Sugar Daddy，跟年輕的Sugar Baby建立助養類似援交的關係。以人口比例計算，香港每200人便有1位Sugar Daddy，密度冠絕全亞洲，成為亞洲「甜心經濟」中心。「花生girls」Winter爆料自身經歷，她透露在紐約求學期間，身邊有位女同學經常呻窮，她說︰「但每次出完街返嚟，佢就會買名牌，而次次出親街嘅對象都唔係同一個人，原來佢玩『Sugar Daddy』網站。佢仲話一個禮拜同幾個『爹哋』出街，每次都有成700蚊美金落袋，有身體接觸但唔使『造』都得，齋食飯都得。」
吳若希助尋失散18年囝囝拒見 淚曬錄影廠「身為人母接受唔到」
此外，上星期「奇情嘉賓」蔚蔚求助《奇情谷》希望尋找失散18年的仔仔樂恆，節目組成功聯絡到對方，不過樂恆表示暫未有心理準備跟母親見面，吳若希透過視像跟蔚蔚說︰「樂恆話而家生活都好好，唔希望蔚蔚擔心。」事後吳若希淚灑錄影廠，她解釋身為人母較難接受這個結局。
港生活人氣娛樂新聞
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
