曾志偉罕有親揭入TVB做總經理兩大原因 曾遭子女反對：我都高估咗我自己

曾志偉入TVB做管理層最唔慣係睇日曆？

由於工作性質關係，曾志偉多年來生活模式與一般人顛倒，梅小惠打趣問曾志偉為何如此熱愛自由及喜歡沒有壓力、會突然180度轉變加入無綫做高層，梅小惠說：「你（依家）朝早八點幾鐘就返工，打Golf都冇咁早…真係要付出好多喎，點解你當其時咁大膽會接受呢？」曾志偉即笑言其實高估了自己：「咁我都高估咗我自己嘅，我初初都以為唔使咁辛苦嘅，但原來係唔得嘅。」

親揭入無綫做總經理兩大原因

曾志偉續指加入TVB其實有兩大原因：「第一TVB可以講得係我成長嘅地方，我對TVB好有感情，第二就係我覺得，如果呢個行業係佢養大我嘅，我有能力嘅話，都希望喺呢個行業度做返啲嘢啦…我記得嗰時搵我（返TVB），我自己都諗咗好耐，亦都有同我啲仔女分享，佢哋梗係反對啦，話『喂依家先嚟咁辛苦？唔使喇啩！』」

難忘曾遭子女反對：我都高估咗我自己

曾志偉續指入了TVB當行政人員後，確實有很多不習慣的地方：「最唔習慣係要睇日曆過日子，以前係唔知咩叫做公眾假期。我成日覺得我哋嘅行業冇假期嘅，要做嘢就做嘢，做掂咗就得架喇，做掂咗咪放假囉。」

坦言最愛與肥姐合作做主持

說到主持工作，曾志偉揚言最愛跟已離世的肥姐合作，皆因他喜歡做下靶：「肥姐就係我上靶，我成日特登講啲嘢駁肥姐，佢成日話：『唔好嘈，做乜講啲咁嘅嘢呀，作死呀？』肥姐走咗後，我成日都要做上靶，我最鍾意做人哋叫我唔好嘈嗰個㗎嘛。」談到曾志偉主持過的綜藝節目，很多人第一時間會想起《獎門人》系列，小惠問到志偉對《獎門人》的堅持，曾志偉坦言每年都想唔再做：「《獎門人》我當然好想做，啲嘉賓令現場啲觀眾笑之餘，我自己都（覺得）好笑架嘛，又開心又有錢攞，幾開心係咪先？不過我其實年年都想話：『唔做嘞』，因為其實做獎門人就冇機會做第二啲新嘅節目，我成日都想嘗試下唔同嘅嘢。」

致力提拔影視圈後起之秀

與曾志偉合作多年的阮兆祥，在節目中踢爆曾志偉「通處瞓」背後真相勁洋蔥，阮兆祥說：「佢每一次都喺唔同嘅地方瞓著，通常佢瞓著嘅原因係咩呢？係因為佢太攰，同埋佢好多時犧牲自己睡眠時間去睇劇本，睇啲新導演或者新編劇嘅劇本，你話佢為咗咩嚟睇？佢係為咗提攜新人，如果佢睇到劇本有咩不足，就會同佢講。」

+2

點擊圖片放大

幫新人有一大宗旨：最緊要佢係人好

曾志偉坦言自己當年做導演時，也希望能有貴人幫忙：「我哋後生嗰時，最難搵就係老闆，邊個肯畀錢我拍呢？所以到到我自己有能力，我就幫佢哋搵金主，同時去搵啲有前途嘅新人。」曾志偉又坦言幫人前有一大宗旨：「除咗佢係新導演同有能力之餘，我最緊要覺得佢人係好先，我唔想為我哋嘅行業帶嚟一個唔好嘅人。」