文：Marcus
♫在世間遮風擋雨有一種愛～ 從六歲到八十也不更改♫
呢幾年日日陪住你食飯嘅《愛‧回家》做到今日就要摺埋，接檔劇叫《愛回家之八時入席》（即係愛‧回家3.0？）故事主線唔同曬，今次又唔知會做幾多百集呢？三色台咁多年嚟都Keep住一套接一套推出長篇處境劇，咁到底邊幾套做得最耐呢？等小編話過你知！
第十位：高朋滿座 (2006-2007)
簡介：講高家發生嘅日常事，最緊要齊齊整整，開開心心。
第九位：開心華之里 (1993-1994年)
簡介：背景喺一個三代同堂嘅家庭，講街坊鄰居之間嘅故事，最緊要齊齊整整，開開心心。
第八位：皆大歡喜 (古裝版) (2001-2002年)
簡介：少數古裝處境劇，仲要係搞笑，講金家、石家同皇宮中嘅故事，正所謂唏呀唏呀唏呀唏呀唏～團結一心有新轉機，所以最緊要齊齊整整，開開心心！
第七位：畢打自己人(2008-2010)
簡介：沿用大部份《同事三分親》的演員，講雜誌社八掛事同家庭小故事，喺Office鬥完，返到屋企，最緊要齊齊整整，開開心心。
第六位：同事三分親 (2007-2008年)
簡介：今次講廣告社裡面嘅權力鬥爭同一段母子關係，最緊要齊齊整整，開開心心！
第五位：皆大歡喜 (時裝版) (2003-2005)
簡介：不停講喺洞蜜園茶餐廳 、嘉仁公司、屋企、洞蜜園茶餐廳 、嘉仁公司、屋企、洞蜜園茶餐廳 、嘉仁公司、屋企發生嘅事，最緊要齊齊整整，開開心心！
第四位：城市故事 (1986-1988)
簡介：圍繞許、梁、蘇三家嘅故事，當中洗米華一角最深入民心，最緊要齊齊整整，開開心心！
第三位：愛·回 家(2012-2016)
集數：995集
簡介：都係講一家人同律師樓嘅故事，之後轉講健身中心同海味舖，但每日繼續發現新奇事，中間搞出大頭佛，最後發現係誤會，最緊要齊齊整整，開開心心！
第二位：真情(1995-1999)
簡介：都係講一家人嘅故事，有人統計過裡面有超過90個角色，佢哋食咗超過700餐飯，入面大部分情侶都有外遇，搞錯呀，乜唔係最緊要齊齊整整，開開心心咩？
第一位：香港八一至香港八六系列 (1981-1986)
集數：1330集
簡介：每日揀當時嘅社會熱話作題材，諷刺時弊、圍繞草根家庭居多，即日寫劇本即日拍即日出街， 陳積、順嫂、懋叔、蘇小姐等角色都成為當時社會某部分人嘅代號，最緊要齊齊整整，開開心心。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
