旅行回家揭被飛蟻大肆入侵！ 驚現蟻道兼佈滿飛蟻屍體！做錯一事令情況惡化：滅蟲公司話咁樣仲衰...
轉眼又到了飛蟻活躍、蚊蟲出沒的季節，有網民在社交平台上發文，大呻自己在旅行5日回家後，家中竟被大量飛蟻入侵。桌底、牆角和門框多處現蟻道，廚房更成飛蟻屍體的「重災區」，抽油煙機、電磁爐和調味料上都佈滿密密麻麻的飛蟻屍體，令樓主崩潰大呻「簡直攞命啊！」樓主分享做錯一步出事，滅蟲公司直指「咁樣仲衰」，即睇下文了解事件詳情！
港人旅行5日回家 竟被飛蟻大肆入侵！
近日，有網民在Facebook群組「香港滅蟲關注組」中匿名發帖，表示自己旅行5日後，回家時竟發現家中四處被飛蟻入侵，不但佈滿飛蟻屍體，牆壁多處更出現白蟻的蟻道，「去咗旅行5日，屋企就搞成咁，等滅蟲公司嚟搞」。
從樓主上傳的照片可見，樓主家中多處牆面包括桌底、牆角和門框等，已出現白蟻所構成的蟻道。
廚房更成飛蟻屍體的「重災區」，抽油煙機、電磁爐和調味料上都佈滿密密麻麻的飛蟻屍體，令樓主崩潰大呻「簡直攞命啊，希望快點搞掂，仲有執返啲牆身！」
咁做令情況惡化：滅蟲公司話咁樣仲衰...
帖文隨即引起網民熱議，有網民質疑事主「點解可以入晒屋？開住窗同燈去旅行？」，樓主解釋指自己去旅行前兩日已發現有白蟻，亦馬上聯絡滅蟲公司，可是「我又衰多手自己噴左殺蟲水同清潔咗，間滅蟲公司話唔可以即時搞，要等條蟻路出返嚟先追蹤到，結果5日就出哂嚟。」。
也有網民提醒樓主「白蟻入咗牆身，唔好用藥水，無用」，樓主回應指「第一次遇白蟻，驚得滯諗住快啲噴殺蟲水殺死佢哋，點知滅蟲公司話咁樣仲衰」。
另外，有網民建議樓主盡快在「抽油煙機鋁筒內要加網，唔好比飛蟻入屋」，並附上教程，樓主回覆指「係喎，多謝提醒，我都係第一次遇到白蟻」，並表示「白蟻繁殖得太快同毁滅程度好勁」。
網民︰白蟻泥唔係一時三刻
也有網民認為樓主家中應早已被白蟻入侵，「應該本身都有，白蟻泥唔係一時三刻，啲飛蟻應該係咁啱出巢分家抽晒落抽油煙機」、「你屋企本身已經有白蟻了，而且維持咗好耐，只係你去旅行果段時間，屋企內爆飛白蟻」、「五日你以為唔耐咩？一隻蟻后當一日繁殖1000隻，你就知道拖會麻煩」和「白蟻就麻煩」。
▼原帖文▼
來源︰Facebook@香港滅蟲關注組
港生活人氣本地熱話
【限時登記領取🎁】韓國No.1人氣保濕產品！
WELLAGE超強爆水珠珠💧 x 防曬新品🌞
【樂迷注意🎧】送您音樂串流App 3個月禮品卡！
