林峯紅館演唱會2025｜第四場嘉賓MC張天賦！第三場DearJane驚揭21年前演林峯病危好友

林峯演唱會第三場嘉賓Dear Jane

昨晚第三場，林峯唱出由Dear Jane結他手Howie作曲的《樓下有人》，此時Dear Jane四子突然升上舞台中央，造就主音黃天翱（Tim）與阿峯驚喜合唱，林峯表示彼此同屬華納唱片旗下，但緣份不止於此，舞台上屏幕即出現林峯昔日劇集《天涯俠醫》 的劇照，原來林峯早在2004年已跟Tim結緣。

+5

+4

點擊圖片放大

兩人於21年前曾合演TVB劇集 《天涯俠醫》，劇中Tim飾演阿峯好友，可惜當時他卻零對白，之後更交代他已「領便當」，林峯望完阿Tim當年樣貌即不禁問：「你點解越嚟越後生嘅呢？」又笑說：「我角色同你係Friend，但你點解唔搵我做主診醫生？所以咪走咗囉。」自言緣份就此開始；其後，Dear Jane演繹本年度單曲《你流淚所以我流淚》，現場掌聲如雷。

林峯演唱會第三場嘉賓MC張天賦

去到今日第四場，林峯下午已到紅館綵排，《九龍城寨之圍城》拍檔任賢齊百忙之中抽空探班。今晚嘉賓是MC張天賦，林峯與MC合唱《馴獸師之王》，全場立即瘋狂尖叫；兩人合唱完，MC指大家都是射手座，他比阿峯早一個星期，林峯聽畢就話：「即係你大我一個禮拜。」

大家互相分享第一次見面印象，期間談到「跪凳」，林峯立即搵位入，即興向MC教跳「椅子舞」，全場立即起哄，工作人員更即刻搬出「表演凳」，曾自稱華納舞王的MC惟有臨場獻技，觀眾對其表現亦相當收貨並報以掌聲，林峯建議將來要跟MC合作唱跳歌，當主角阿峯退場，MC獨唱今年作品《懷疑人生》，氣氛熱烈。

+2

點擊圖片放大

每晚完騷，紅館場外仍聚集大批歌迷守候，林峯每晚離開前均走到粉絲堆前大派福利，並為幸運fans送簽名，認真寵粉。