內地1城市成港人躺平聖地！衣食住行樣樣齊 如同過半退休生活？網友潑冷水：根本冇人要
港人北上消費持續，除了周末到內地吃喝玩樂，近年越來越多人選擇搬到內地居住！最近討論區上，有網友大讚惠州係「港人躺平聖地」，指當地物價低、生活方便、樓價平，甚至可過上「半退休生活」。不過帖文一出即引來大量網民潑冷水，狠批惠州係「爛尾樓聖地」，更直言「大陸樓只租不買係常識」，置業風險極高。
港男激讚惠州是港人躺平聖地？
近日有港男於連登討論區發帖，指自己早前多次到廣東省惠州珠海睇樓，雖然坐高鐵去到惠陽後還要轉車，「過完關坐高鐵去到惠陽都係35分鐘內 單程$2X人仔，不過揸車或叫車要45-50分鐘，單程$110人仔」。
不過，港男認為住惠州好處多多，勝在地大人少，物價低，靠近香港，並詢問一眾網友，「惠州算唔算香港人既躺平聖地？」
▼港男列住惠州有5大好處？▼
網友潑冷水：爛尾樓聖地
帖文引起大批港人關注，但留言區卻一片冷嘲熱諷，許多網民直指「爛尾樓聖地」、「係香港打工就唔建議咁做」、「如果買既不如東莞/中山」、「大陸咁多鬼城冇人住，你三線城市樓價仲邊可能有機會升，理解力要幾差先會覺得惠州買樓好」。
更有網友提醒，指內地樓宇質素參差，普遍超過十年都變危樓，「大陸d樓十年就殘，壞水管壞電冇燈水浸甩骨乜都有，到時又夾錢整，但冇人肯夾，所以左爛右爛」、「點搞呀，直通巴士要3 4個鐘，不如買大灣區算啦，廿幾萬拎包入住，好過住深井」、「住又住唔到幾日，D樓無乜管理，真係無眼睇」。
「只租不買」已成共識？網友：輸極有限
有網友直言內地買樓風險極高，加上租金低廉，實在不理解樓港男會有到內地置業的想法，「太多風險，租下算，輸極有限」、「大陸樓只租不買係常識」、「租平過買，仲買黎做咩」、「見到供樓唔洗睇」。更有網友懷疑樓主動機，質疑其實為地產代理（AA，Apartment Agent），借網帖推銷內地物業。
▼即睇港人拒北上買樓原因▼
【原帖文】
來源：連登討論區
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
