演唱會後iPhone影相現紫斑 網民花近千元維修 Apple維修員解釋一原因
看演唱會時，不少觀眾愛用手機拍照錄影留念，但要留意舞台效果有機會導致相機鏡頭出現異常狀況！近日有香港網民在社交平台 Threads 發出一篇警世文，分享iPhone拍照時出現異常的「紫斑」，懷疑在欣賞歌手林峯演唱會拍照時，受表演期間的激光照射影響。Apple維修人員表示，激光容易損壞手機感光元件。帖文引起不少網民討論，有人分享類似經歷，質疑激光設計的安全，而事主表示即使在保障期內，維修費用仍索價近千元，笑言「諗住睇埋聽日嗰場先整」。
Apple維修人員：laser易破壞感光元件
該名網民表示，她在演唱會翌日早上自拍時，發現相片出現「好多紫色一點點」，初時以為是手機鏡頭意外損壞。她隨即前往蘋果公司的維修中心求助，維修人員一看便詢問她：「呢排有冇睇過演唱會呀?」當她提及前一晚觀看了林峯演唱會後，維修人員指出：「通常演唱會laser照到個鏡頭，好容易會破壞個感光元件，就會搞成咁。」
有網民質疑激光設計是否安全
事主對此感到愕然，表示「嗚嗚之前完全唔知」，並透露自己當時坐在C行，形容這是「睇Row C嘅代價」。她更提及，即使手機在Apple Care保障期內，維修費用仍「差唔多1000…」，並打算在觀看另一場演唱會後才進行維修。
事件引起不少網民共鳴及討論。有網民表示有類似經歷：「佢演唱會有激光，有啲位置會比較容易被激光打到，我部手機之前睇其他演唱會已經被打過，去Apple問過都幾貴🙂↔️」。亦有網民認為：「燈光設計團係唔係應該避免用laser？而家有邊個睇演唱會係唔影相」。不過，亦有網民對損壞原因提出疑問：「但係演唱會laser照到係你後邊個鏡頭，你用前置個鏡頭自拍點解會關事？」
其他留言亦表達了對事主的同情，如「慘🥲」，或驚訝手機鏡頭的脆弱，「下 咁化學」。有網民則分享經驗指曾因此成功更換手機，認為「正常都冇人會覺得部手機係唔可以拎去睇演唱會😂」。
↓↓↓原帖文↓↓↓
來源：threads
原文：ezone.hk - iPhone影相突出現「紫斑」維修人員秒懂成因：有冇睇過○○○
港生活人氣本地熱話
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
全新功能《U GO》強勢登場🎉！
立即探索🔍本地熱門活動📍好去處🔔食玩買情報
