陳曉華用蟲餵鸚鵡與蛇寶寶親密接觸 嚇到瘋狂揼地喊驚：佢哋好活躍呀
《一日打工限定》日前一集由陳曉華（Hera）試做一日動物護理員。近年主力拍劇的Hera，擅長演繹傻氣又可愛的角色；想不到原來真實一面的Hera，同樣熱血傻氣兼備，不時會「無預警自我Hyper」大笑大叫之餘，更試過撩在動物園遊玩的小朋友傾偈，「強逼」小朋友們稱讚她，比小朋友還要小朋友。
陳曉華做動物護理員
是次動物護理員工作體驗對Hera來說，絕對集體力、專注力及膽量考驗於一身，當中猶以捉蟲、玩蛇、搬運巨型木頭三大挑戰最為難度高。三項挑戰中，以捉麥皮蟲餵鸚鵡任務最為搞笑，原本「好奇寶寶」Hera對於捉蟲深感有趣、新奇，不過當她將蠕動中的蟲仔拎上手時，即時被「難以形容的蠕動手感」嚇到尖聲大叫、全程瘋狂揼地喊驚：「佢哋好活躍呀，好驚呀！」節目畫面更一度出現名副其實的「嚇到模糊」狀態，相當好笑。
陳曉華驚嚇表情
雖然Hera全程傻大姐上身，但去到「玩蛇」環節馬上回復正經，更智慧上線用盡方法不驚動手上拿著的蛇、以免引發不必要危險。形容自己「又好奇又好驚」的Hera，與蛇接觸期間全程嚇到硬軚，不時露出扁嘴及嚇到𪘲牙聳䚗的表情之餘，還一度要雙手合十定驚。雖然全程驚驚青青、又喊又笑，但Hera最後成功完成為蛇寶寶檢查工作。
「拖字訣」舒緩驚慌情緒
Hera事後指自己用了「拖字訣」去舒緩驚慌情緒：「我係咁拖時間同埋不停講嘢去抒發番我嘅緊張，同埋要拎出自己最認真看待事情嘅狀態。其實我唔算係好緊張，我只係諗緊辦法去克服佢。」而Hera檢查蛇寶寶期間，一度被蛇寶寶舔了一下，Hera更化身「貼身膏藥」黐住護理員Melody。
港生活人氣娛樂新聞
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
